03 جولائی ، 2019 
ورلڈکپ سیمی فائنل کیلئے پاکستان، نیوزی لینڈ اور انگلینڈ کے درمیان مقابلہ
03 جولائی ، 2019
آسٹریلیا کے بعد بھارت نے بھی کرکٹ ورلڈکپ کے سیمی فائنل مرحلے کے لیے کوالیفائی کرلیا اور اب مزید 2 ٹیموں کو سیمی فائنل کی دوڑ میں شامل ہونا جس کے لیے نیوزی لینڈ، انگلینڈ اور پاکستان کے درمیان مقابلہ ہے۔
میزبان انگلینڈ اور نیوزی لینڈ کے درمیان آج کا میچ انتہائی اہم ہے اور فاتح ٹیم سیمی فائنل کے لیے کوالیفائی کرجائے گی۔
پاکستان کے سیمی فائنل میں کوالیفائی کرنے کے لیے بنگلادیش سے جیت کے علاوہ انگلینڈ کی شکست بھی لازم ہے۔
اگر انگلش ٹیم آج کا میچ جیتنے میں کامیاب ہوجاتی ہے تو وہ سیمی فائنل کے لیے کوالیفائی کرجائے گی اور پاکستان کو بنگلادیش سے جیتنے کے بعد نیوزی لینڈ کے رن ریٹ پر انحصار کرنا ہوگا۔
پوائنٹس ٹیبل پر اس وقت نیوزی لینڈ کی ٹیم 11 پوائنٹس کے ساتھ تیسرے نمبر پر ہے اور آج کا میچ جیتنے کی صورت میں وہ سیمی فائنل میں جگہ بنالے گی۔
میزبان انگلش ٹیم 10 پوائنٹس کے ساتھ چوتھے نمبر پر ہے، آج کی جیت اسے سیمی فائنل میں پہنچا دے گی اور شکست کی صورت میں اسے پاکستان کی ہار کا انتظار کرنا ہوگا۔
اگر انگلش ٹیم آج کا میچ ہار گئی اور پاکستان نے بنگلادیش کو 5 جولائی کو کھیلے جانے والے میچ میں شکست دی تو انگلش ٹیم کے ورلڈکپ کا سفر ختم ہوجائے گا۔
نیوزی لینڈ کی شکست اور پاکستان کی جیت کی صورت میں پوائنٹس ٹیبل پر دونوں ٹیموں کے پوائنٹس 11، 11 ہوں گے اور بہتر رن ریٹ رکھنے والی ٹیم سیمی فائنل کے لیے کوالیفائی کرجائے گی۔
اس لیے کسی بھی ٹیم کے پاس غلطی کی کوئی گنجائش نہیں اور تینوں ٹیموں کو سیمی فائنل میں جگہ بنانے کے لیے لازمی جیتنا ہے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
