17 اگست ، 2019 
پاکستان
فائل فوٹو
لاڑکانہ میں رشتے کے تنازع پر فائرنگ سے خاتون سمیت 5 افراد قتل
17 اگست ، 2019
لاڑکانہ میں رشتے کے تنازع پر گھر میں گھس کر فائرنگ کر کے خاتون سمیت 5 افراد کو قتل کر دیا گیا۔
پولیس کے مطابق لاڑکانہ کے علاقے یار محمد کالونی میں مسلح ملزمان نے گھر میں گھس کر فائرنگ کر دی جس کے نتیجے میں خاتون سمیت 4 افراد موقع پر ہی جاں بحق ہو گئے جب کہ ایک شخص بعدازاں زخموں کی تاب نہ لاتے ہوئے دم توڑ گیا۔
پولیس کا بتانا ہے کہ فائرنگ کا واقعہ رشتے کے تنازع کی وجہ سے پیش آیا۔
پولیس نے ملزمان کی گرفتاری کے لیے علاقے کی ناکہ بندی کر دی ہے جب کہ مقتولین کی لاشوں کو ضابطے کی کارروائی کے لیے اسپتال منتقل کر دیا گیا ہے۔
