کراچی میں عاطف اسلم کے کنسرٹ پر تنازع کھڑا ہوگیا

سوشل میڈیا پر کراچی کے بیچ ویو پارک کلفٹن میں عاطف اسلم کے ہونے والے کنسرٹ کے چرچے ہیں تاہم ڈائریکڑ جنرل (ڈی جی پارکس) محکمہ باغات نے اسے فراڈ قرار دیدیا۔

کراچی میں 7 دسمبر کو عاطف اسلم کا کنسرٹ ہونے جارہا ہے اور 1500 سے 10 ہزار روپے تک کے ٹکٹ آن لائن بک بھی ہورہے ہیں تاہم جس پارک میں یہ پروگرام ہے، وہ کراچی میٹروپولیٹن کارپویشن (کے ایم سی) کے محکمہ پارکس کے زیر انتظام ہے۔

عاطف اسلم کی خوبصورت انداز میں اہلیہ کو سالگرہ کی مبارکباد

عاطف اسلم اور سارا کی شادی کو 7 سال ہو چکے ہیں اور مداح ان کی جوڑی کو بے انتہا پسند کرتے ہیں۔

اس حوالے سے ڈی جی پارکس آفاق مرزا کا کہنا ہے کہ یہ سب فراڈ ہورہا ہے، کراچی میٹرو پولیٹن کارپویشن نے کسی کو اجازت نامہ جاری ہی نہیں کیا۔

ڈی جی پارکس نے عاطف اسلم سے بھی درخواست کی ہے کہ وہ اس قسم کے معاملات سے اپنے آپ کو دور رکھیں۔

آفاق مرزا کا کہنا تھا کہ یہ کنسرٹ کسی صورت نہیں ہوسکتا، دسمبر کے مہینے میں پاک بحریہ کی مشقیں ہوتی ہیں، اس لیے اس ماہ میں اجازت نامے جاری نہیں کیے جاتے۔

ڈی جی پارکس کراچی کے مطابق گلوکار عاطف اسلم ان کے بھی پسندیدہ گلوکار ہیں لیکن کراچی والوں اور عاطف اسلم سے کہنا چاہتا ہوں آپ کو بے وقوف بنایا جارہا ہے۔

ننھے عرشمان کی مدھر آواز عاطف اسلم کو بھی بھا گئی

عاطف اسلم نے عرشمان کے ٹیلنٹ کی حوصلہ افزائی کرتے ہوئے کہا کہ وہ جلد ان کے ساتھ کام کریں گے۔

دوسری جانب تشویش کی بات یہ ہے کہ اس کنسرٹ کی مشہوری کے لیے فیس بک پر عاطف اسلم نے اپنے آفیشل پیج پر بھی پوسٹ ڈال رکھی ہے اور اب تک عاطف اسلم کے نام سے کئی سو ٹکٹس بک بھی ہوچکے ہیں۔

یاد رہے کہ گزشتہ سال بھی عاطف اسلم کے نام پر آزادی کے دن کے حوالے سے ایک ایسے ہی کنسرٹ کا چرچا تھا جس کا بعد میں عاطف اسلم کو انکار کرنا پڑا تھا۔