18 اپریل ، 2020 
موٹروے پر کھڑی گاڑی کی مدد کو آنے والا سب انسپکٹر ٹرالر کی ٹکر سے جاں بحق
18 اپریل ، 2020
عوام کی بروقت مدد اور رہنمائی کے نصب العین پر قائم موٹروے پولیس کا ایک اور افسر شہید ہوگیا۔
ترجمان موٹروے پولیس کے مطابق شہید سب انسپکٹر عاشق علی ٹانوری بھریا بائی پاس ضلع نوشہرو فیروز شاہراہ پر کھڑی گاڑی کی مدد کے لیے سڑک پر اترے ہوئے تھے کہ پیچھے سے آنے والے ٹرالر نے انہیں ٹکر ماردی جس کی وجہ سے انہیں دماغ پر چوٹ آئی ۔
پہلے انہیں زخمی حالت میں طبی امداد کے لیے بھریا اسپتال لے جایا گیا اور بعد میں ضلع اسپتال نوشہرو فیروز لایا گیاجہاں سے ڈاکٹرز کے مشورے کے بعد انہیں شہید بے نظیر آباد اسپتال میں داخل کیا گیا ۔
شہید سب انسپکٹر عاشق علی ٹانوری 3 روز تک آئی سی یو میں موت سے جنگ لڑتے رہے تاہم گزشتہ رات ان کا انتقال ہوگیا۔
ٹرالر کے ڈرائیور کی غفلت اور لاپرواہی سے موٹروے پولیس افسر کی جان گئی ، ڈرائیور اور ٹرالر پولیس کی تحویل میں ہے اور مقدمہ درج کرلیا گیا ہے ۔
سب انسپکٹر عاشق علی کی شہادت پر آئی جی موٹروے پولیس کلیم امام، ایڈیشنل آئی جی آفتاب پٹھان اور ڈی آئی جی مطلوب احمد نے غم اور افسوس کا اظہار کیا ہے۔
مزید خبریں :
پول: امریکا کا اگلا صدر کون ہوگا؟
04 نومبر ، 2024
ڈسکہ الیکشن: علی اسجد ملہی اور نوشین افتخار کون ہیں؟
07 اپریل ، 2021
