Can't connect right now! retry

زوم نے صارفین کی پرائیویسی کو مزید محفوظ بنانے کیلئے فیچر متعارف کرادیا

فوٹو: فائل 

کورونا وبا کے دوران دنیا بھر میں سب سے مقبول ہونے والی ویڈیو کالنگ ایپ زوم نے صارفین کی پرائیوسی اور ڈیوائس کو محفوظ رکھنے کے لیے ’اینڈ ٹو اینڈ انکرپشن‘ کا فیچر متعارف کرایا ہے۔

زوم کی جانب سے پیش کیے جانے والے اینڈ ٹو اینڈ انکرپشن فیچر سے زوم کے مفت اور پیڈ دونوں صارفین مستفید ہو سکیں گے جس کے تحت صارفین کی پرائیوسی بہتر ہو جائے گی۔

اس فیچر کے بعد اب صارفین کی زوم پر میٹنگ کی پرائیوسی اور ان کا ڈیٹا پہلے سے زیادہ محفوظ رہے گا۔

واضح رہے کہ رواں سال اپریل میں سائبر سکیورٹی کی فرم ابنارمل سکیورٹی نے ای میل کے ذریعے آگاہ کیا تھا کہ کورونا لاک ڈاؤن کے دوران زوم کے استعمال میں تیزی سے اضافہ دیکھا گیا ہے کیونکہ لوگ گھروں میں کام کرنے کے باعث اس سے ایک دوسرے سے رابطے میں ہیں جس سے وہ دفاتر کے معاملات، اسکول کلاسز اور دیگر میٹنگز میں شرکت کررہے ہیں۔

سائبر سکیورٹی فرم کا کہنا تھا کہ زوم کے استعمال میں جہاں تیزی سے اضافہ ہوا ہے وہیں اس پر ہیکرز نے بھی اپنا جال بھی وسیع کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM