02 فروری ، 2021 
پاکستان
لاہور: شادی میں ڈانس پارٹی پر ہوائی فائرنگ کی ویڈیو وائرل
02 فروری ، 2021
لاہور کے علاقے مغلپورہ میں شادی پر ڈانس پارٹی کے دوران ہوائی فائرنگ کی ویڈیو وائرل ہو گئی۔
پولیس کے مطابق شادی کی تقریب میں ڈانس پارٹی کے دوران شرکاء نے ڈانسر ز سے چھیڑ چھاڑ کی، اسی دوران دو نوجوانوں کی جانب سے ہوائی فائرنگ بھی کی گئی،گولیوں کی تڑتڑاہٹ سے علاقہ گونج اُٹھا، فائرنگ سے بجلی کے ہائی وولٹیج تاروں کو بھی نقصان پہنچا۔
فائرنگ کی ویڈیو سوشل میڈیا پر وائرل ہوئی تو پولیس حرکت میں آئی اور تحقیقات کیں تو پتہ چلا کہ واقعہ ذیشان نامی نوجوان کی شادی کے دوران 11 روز قبل پیش آیا۔
پولیس کا کہنا ہے کہ ڈانس کے دوران ہوائی فائرنگ رانا اسد اور وقاص نامی افراد نے کی، پولیس نے مقدمہ درج کر لیا لیکن تاحال کسی ملزم کی گرفتاری عمل میں نہیں آ سکی۔
