06 فروری ، 2021 
دھوکا دہی کیس، عدالت نے میرا کو جواب داخل کرانے کا آخری موقع دے دیا
06 فروری ، 2021
لاہور کی سول عدالت نے اداکارہ میرا کی رہائش گاہ کے خلاف دعوے پر سماعت کرتے ہوئے انہیں جواب داخل کرانے کا آخری موقع دے دیا۔
سول جج مصباح حسین نے خاتون تسلیم کوثر کی درخواست پر سماعت کی۔ درخواست گزار کا مؤقف ہے کہ ڈیفنس میں ان کے گھرکے تمام پیسے عتیق الرحمان نے ادا کیے لیکن اداکارہ میرا نےدھوکا دہی سےگھر کےکاغذات اپنے نام کرا لیے۔
درخواست گزار نے استدعا کی کہ عدالت یہ کاغذات کالعدم قرار دے۔
دوران سماعت اداکارہ میرا کے وکیل نے جواب جمع کرانے کی مہلت مانگی جس پر عدالت نے برہمی کا اظہار کیا اور کہا کہ دعوے پر تاحال جواب جمع نہ کرانا غیر سنجیدگی کو ظاہر کرتا ہے۔
عدالت نے اداکارہ میرا کو جواب دینے کا آخری موقع دیتے ہوئے سماعت 17 فروری تک ملتوی کردی۔
خیال رہے کہ عدالت نے اداکارہ میرا کے ایک کنال کےگھر کی فروحت سے متعلق حکم امتناع بھی جاری کررکھا ہے۔
