01 اکتوبر ، 2021 
پاکستانی پرچم اتارنے کا معاملہ، طالبان نے سرحد پر تعینات نفری اور کمانڈر تبدیل کردیا
01 اکتوبر ، 2021
طالبان نے طورخم سرحد پر امدادی ٹرک سے پاکستانی پرچم اتارنے کے معاملے پر سخت کارروائی کی ہے۔
گزشتہ دنوں پاک افغان سرحد طورخم پر طالبان جنگجوؤں کی جانب سے امدادی سامان لیکر جانے والے ٹرک سے پاکستانی پرچم اتارنے کا واقعہ پیش آیا تھا۔
واقعے کے بعد افغانستان کے نائب وزیر اطلاعات ذبیح اللہ مجاہد کا کہنا تھاکہ جس نے طورخم پر پاکستانی امدادی سامان کی گاڑی سے پاکستانی قومی پرچم اتار کر اس کی بے حرمتی کی ہے، ان کی گرفتاری اور غیر مسلح کرنے کا حکم جاری کردیا گیا ہے۔
اب طالبان نے واقعے پر مزید کارروائی کی ہے۔ ذرائع کے مطابق طالبان قیادت نے سرحد پر تعینات نفری اورطالبان کمانڈر تبدیل کردیا ہے۔
ذرائع نے بتایا کہ نئے طالبان کمانڈر سمیت 60 سے زائد نفری نے پوزیشن سنبھال لی۔
خیال رہے کہ پرچم اتارنے کے واقعے پر سوشل میڈیا صارفین نے شدید غم و غصے کا اظہار کیا تھا۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
