18 نومبر ، 2021 
'وفاق سندھ میں گورننس خراب کرنا چاہتاہے، اس سیاست میں اسٹیبلشمنٹ ڈویژن نہ پڑے'
18 نومبر ، 2021
وزیراعلیٰ سندھ مراد علی شاہ کا کہنا ہےکہ وزیراعظم اپنے تمام اختیارات دوسروں کو دے چکے، ڈھونڈنا پڑے گا کہ وزیراعظم کا مجاز افسر کون ہے۔
سندھ کابینہ اجلاس کے بعد وزیر اعلیٰ سندھ مراد علی شاہ نے پریس کانفرنس کرتے ہوئے کہا کہ سندھ میں افسران کی کمی ہے کئی بار خطوط لکھے اور خود بھی اسلام آباد گیا کہ افسران کی کمی پوری کی جائے لیکن وفاق ہمارے افسران کو تنگ کرنے لگ گیا۔
وزیر اعلیٰ سندھ مراد علی شاہ نےکہا کہ وفاق سندھ میں گورننس خراب کرنا چاہتاہے ، اس سیاست میں اسٹیبلشمنٹ ڈویژن نہ پڑے، وفاق کے افسران سے صوبےکو ٹارگٹ کرکے آئين کی خلاف ورزی نہیں کی جاسکتی، وفاقی حکومت کا جھگڑا مجھ سے ہے ، سندھ کے افسران کو تنگ نہ کریں، اس سے صوبے کی کارکردگی متاثر ہورہی ہے۔
مراد علی شاہ نےکہا کہ قومی اسمبلی میں بلز کی منظوری کے لیے موجود الیکٹرانک سسٹم تو آج تک چلا نہیں اور یہ ووٹنگ مشین سے الیکشن کروائيں گے، بل جمہوریت کو نقصان پہنچانے کے لیے منظور کیا گیا ہے۔
مزید خبریں :
پاکستان کی ایران پر اسرائیلی حملے کی شدید مذمت
13 جون ، 2025
بالائی سندھ کے تمام اضلاع میں آندھی اور بارش کا امکان
13 جون ، 2025
