ملزم کو مزید کارروائی کے لیے اینٹی نارکوٹس فورس کے حوالے کردیا: فوٹو اے ایس ایف
ائیر پورٹ سکیورٹی فورس نے اسلام آباد ائیر پورٹ پر اتحاد ائیر کے ذریعے ابوظبی جانے والے مسافر کے بیگ سے کروڑوں کی ہیروئن برآمد کرلی۔
ترجمان اے ایس ایف کے مطابق مسافر جہانزیب خان نے ہیروئن اپنے بیگ میں چھپا رکھی تھی تاہم اے ایس ایف کے ڈیوٹی پر مامور عملے نے مسافر کے بیگ کی اسکیننگ کے دوران کمال پیشہ ورانہ مہارت کا مظاہرہ کیا اور اسے مشکوک قرار دیا ۔
اہلکاروں نے نے ملزم کی تلاشی کے دوران بیگ میں چھپائی گئی 3.5 کلو گرام ہیروئن برآمد کی: فوٹو اے ایس ایف
اے ایس ایف کا بتانا ہےکہ اہلکاروں نے ملزم کی تلاشی کے دوران بیگ میں چھپائی گئی 3.5 کلو گرام ہیروئن برآمد کی جس کے بعد ملزم کو مزید کارروائی کے لیے اینٹی نارکوٹس فورس کے حوالے کردیا۔
ترجمان اے ایس ایف کے مطابق ملزم سے برآمد ہونے والی ہیروئن کی مالیت تقریباً 3.5 کروڑ پاکستانی روپے ہے۔
29 نومبر ، 2021 
