’اومی کرون‘ نے بھارت پنجے گاڑھ دیے، مزید 2 افراد میں تصدیق
10 دسمبر ، 2021
کورونا وائرس کے جنوبی افریقا سے سامنے آنے والے ویرینٹ اومی کرون نے بھارت میں پنجے گاڑنے شروع کردیے۔
بھارتی میڈیا کے مطابق ریاست گجرات میں مزید دو افراد میں کورونا کے ویرینٹ اومی کرون کی تصدیق ہوئی ہے جس کے بعد بھارت میں اومی کرون سے متاثرہ افراد کی تعداد 25 ہوگئی ہے۔
بھارتی میڈیا کا بتانا ہےکہ گجرات میں اومی کرون سے متاثر ہونے والے دونوں شہری 4 دسمبر کو جنوبی افریقا سے واپس آئے تھے جن کے جینوم ٹیسٹ میں اومی کرون وائرس کا انکشاف ہوا۔
بھارتی میڈیا کے مطابق جنوبی افریقا سے آنے والے یہ دونوں افراد مکمل ویکسین شدہ تھے جنہیں فوری طور پر قرنطینہ کردیا گیا ہے۔
