02 جنوری ، 2022 
پاکستان
ٹرک کے خفیہ خانوں سے 400 کلو گرام چرس اور 250 کلوگرام افیون برآمد کی: ایڈیشنل کلیکٹر کسٹم۔ فوٹو: فائل
افغانستان سے پاکستان آنے والے ٹرک سے ساڑھے 7 کروڑ مالیت کی منشیات برآمد
02 جنوری ، 2022
پاک افغان سرحد طورخم پر کسٹم عملے نے افغانستان سے داخل ہونے والے ٹرک سے ساڑھے 7 کروڑ روپے مالیت کی منشیات برآمد کرکے ایک ملزم کو گرفتار کر لیا۔
ایڈیشنل کلیکٹر کسٹم محمد طیب کے مطابق عملے نے طورخم سرحد پر افغانستان سے داخل ہونے والے ٹرک کے خفیہ خانوں سے 400 کلو گرام چرس اور 250 کلوگرام افیون برآمد کی۔
محمد طیب کا کہنا ہے کہ برآمد کی گئی منشیات کی مالیت عالمی مارکیٹ میں قیمت ساڑھے 7 کروڑ روپے بنتی ہے۔
ان کا کہنا ہے کہ کسٹم عملے نے ڈرائیور کو گرفتار کرکے ٹرک قبضے میں لے لیا اور متعلقہ حکام نے ملزم سے تفتیش شروع کر دی ہے۔
