07 مارچ ، 2022 
شین وارن کی موت کی وجہ طبعی ہے: پوسٹ مارٹم رپورٹ میں تصدیق
07 مارچ ، 2022
سابق آنجہانی آسٹریلوی کرکٹر شین وارن کی پوسٹ مارٹم رپورٹ میں ان کی موت کی وجہ سامنے آگئی ہے۔
غیر ملکی خبر رساں ایجنسی اے ایف پی کے مطابق پولیس نے سابق آسٹریلوی کرکٹر شین وارن کے پوسٹ مارٹم کے بعد ان کی موت سے متعلق اہم دعویٰ کیا ہے۔
شین وارن کی موت کے بعد تھائی پولیس حکام نے پہلے اپنے بیان میں بتایا تھا کہ سابق کرکٹر کے کمرے کے فرش اور ان کے تولیے سے خون کے دھبے ملے ہیں۔
تاہم اب پولیس نے سابق کرکٹر کی پوسٹ مارٹم رپورٹ کےبعد کہا ہےکہ شین وارن کی موت کی وجہ طبعی ہے۔
تھائی لینڈ پولیس کاکہناہےکہ سابق کرکٹر کی پوسٹ مارٹم میں موت سے متعلق کوئی منفی بات نہیں دکھائی دی۔
پولیس کے مطابق شین وارن کےاہل خانہ کوپوسٹ مارٹم کے نتیجے سے مطلع کردیا ہے اور ان کے اہل خانہ نے پوسٹ مارٹم رپورٹ کو تسلیم کرلیا ہے۔
واضح رہےکہ لیجنڈ کرکٹر شین وارن 4 مارچ کو تھائی لینڈ کے علاقے کو ساموی میں اپنے ولا میں مردہ حالت میں پائےگئے تھے۔
شین وارن کے ترجمان کا کہناتھا کہ سابق کرکٹرکا انتقال حرکت قلب بند ہونے کی وجہ سے ہوا، میڈیکل ٹیم نے انہیں بچانے کی پوری کوشش کی لیکن وہ جانبر نہ ہوسکے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
5 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
7 گھنٹے پہلے
