17 مارچ ، 2022 
پیانو کی دھن پر کتے کے گانا گانے کی ویڈیو وائرل
17 مارچ ، 2022
انسٹاگرم پر جوش میک کے نامی شخص نے ذاتی اکاؤنٹ پر اپنے پالتو کتے کی دلچسپ ویڈیو شیئر کردی جو دیکھتے ہی دیکھتے سوشل میڈیا پر وائرل ہوگئی۔
وائرل ہونے والی ویڈیو میں دیکھا جاسکتا ہے کتا دو ٹانگوں پر کھڑا ہو کرپنجوں کی مدد سے گھر میں موجود پیانو بجا رہا ہے۔
ویڈیو شیئر کرنے والا شخص جوش موسیقار بھی ہے، اس نے اپنے انسٹاگرام پر ویڈیو کیپشن میں لکھا ‘میرے کتے کو گانا گانا اور پیانو بجانا بہت پسند ہے۔’
ویڈیو میں دیکھا جاسکتا ہے کہ جیسے ہی پیانو پر میوزک بجتا ہے کتا فوری دھن کے ساتھ آواز نکالنا شروع کردیتا ہے۔
یہ منظر اتنا دلچسپ تھا کہ ویڈیو انٹرنیٹ پر تیزی سے وائرل ہونے لگی اور 50 ہزار سے بھی زیادہ لائکس آ گئے۔
کتے کی اس ادا سے سوشل میڈیا صارفین خوب لطف اندوز ہوئے اور کتے سے محبت کرنے والوں نے دلچسپ تاثرات کا بھی اظہار کیا۔
ایک صارف نے تو یہاں تک کہہ ڈالا کہ میں اس بہترین فنکار کے کنسرٹ کیلئے پیشگی ایک سال کے ٹکٹ خریدنے کیلئے تیار ہوں۔
ایک اور صارف نے کتے کی ویڈیو کو سال کی بہترین پرفارمنس قرار دے دیا۔
مزید خبریں :
کِلر وہیلز نے سائنسدانوں کے ذہنوں کو کیوں گھما دیا؟
24 جون ، 2025
22 سال تک میک اپ صاف نہ کرنے والی خاتون کا کیا حال ہوا؟
23 جون ، 2025
دولت مند بننے کیلئے کن عادتوں کو اپنانا ضروری ہے؟
20 جون ، 2025
