دعا کے شوہر ظہیر نے اکاؤنٹس اور شناختی کارڈ کی بحالی کیلئے عدالت سے رجوع کرلیا

کراچی: دعا زہرا کے شوہر ظہیر نے بینک اکاؤنٹس اور شناختی کارڈ کی بحالی کے لیے سندھ ہائیکورٹ سے رجوع کرلیا۔

ملزم ظہیر احمد اور شبیر کی جانب سے دائر درخواست پر فوری سماعت کی استدعا کی گئی تھی جسے عدالت نے منظور کرلیا۔

سندھ ہائیکورٹ کے جسٹس اقبال کلہوڑو کی سربراہی میں دو رکنی بینچ کچھ دیر میں درخواست پر سماعت کرے گا۔

ظہیر اور شبیر نے درخواست میں مؤقف اختیار کیا ہےکہ وہ کراچی میں دعا زہرا کیس کے ٹرائل کا سامنا کررہے ہیں، دونوں کو پیشی کے دوران سکیورٹی خدشات لاحق ہیں،  محکمہ داخلہ سندھ،آئی جی اور دیگر کو دونوں درخواست گزاروں کو سکیورٹی فراہم کرنے کا حکم دیا جائے۔

درخواست میں استدعا کی گئی ہےکہ ملزم ظہیر اور شبیر کے بینک اکاؤنٹس بحال کرنے کا بھی حکم دیا جائے۔

دعا زہرا کی عدم بازیابی پر سندھ ہائیکورٹ نے ملزمان کے شناختی کارڈز اور بینک اکاؤنٹس منجمد کرنے کا حکم دیا تھا جس کے بعد نادرا اور اسٹیٹ بینک نے عدالتی حکم پر عمل کرتے ہوئے ان کے شناختی کارڈز اور اکاؤنٹس منجمد کردیے گئے۔

سندھ ہائیکورٹ کا دعا زہرا کو کراچی منتقل کرنے کا حکم

لڑکی کو تو ہر صورت کراچی لانا ہے، جرم کراچی میں ہوا ہے توکیس کی سماعت بھی کراچی میں ہوگی: عدالت کے ریمارکس

خاتون یوٹیوبر زنیرا ماہم کے دعا اور ظہیر سے متعلق نئے دعوے

دعا خود لاہور آئی، اسے اغوا نہیں کیا گیا، ظہیر احمد اور دعا ایک دوسرے سے سچی محبت کرتے ہیں اور یہ انہوں نے خود دیکھا ہے: زنیرا