شہباز گل اسپتال سے ڈسچارج، ڈاکٹرز نے فٹ قرار دے دیا

اسلام آباد: پی ٹی آئی رہنما شہباز  گل کو اسپتال سے ڈسچارج کردیاگیا۔

ذرائع کے مطابق پمز اسپتال انتظامیہ نے شہباز گل کا  چیک اپ اور میڈیکل رپورٹس کا جائزہ لے کر انہیں اسپتال  سے ڈسچارج کردیا ہے۔

ذرائع کا بتانا  ہےکہ شہباز  گل دوبارہ سینے میں درد کی تکلیف کی شکایت کر رہے ہیں۔

پمز اسپتال کے ڈاکٹرز کا کہنا ہےکہ شہباز گل کی طبیعت بالکل ٹھیک ہے  اور انہیں سانس کا مسئلہ نہیں ہے۔

واضح رہے کہ اسلام آباد پولیس نے گزشتہ ہفتے شہباز گل کے جسمانی ریمانڈ کی استدعا کی تھی جس پر عدالت نے جسمانی ریمانڈ کی استدعا مسترد  کرتے ہوئے ان کا دوبارہ میڈیکل  کا  حکم دیا تھا۔

شہباز گل کی اسپتال میں کھانے پینے کی نئی ویڈیو منظر عام پر آگئی

منظر عام پر آنے والی ویڈیو میں شہباز گل کو پمز اسپتال میں اپنے کمرے میں ہشاش بشاش جوس اور فروٹ کھاتے دیکھا جاسکتا ہے۔

شہباز گِل نے مبینہ بھوک ہڑتال ختم کر دی

عدالت کے حکم پر اسپتال منتقل کیے گئے شہباز گل نے گزشتہ روز کچھ بھی کھانے پینے سے انکار کر دیا تھا۔