30 اگست ، 2022 
پاکستان
فوٹو: فائل
کراچی: سپر ہائی وے بس اڈے پرکسٹم انٹیلی جنس کا چھاپہ، مشتعل افراد کی ہنگامہ آرائی
30 اگست ، 2022
کراچی میں سپر ہائی وے پر سہراب گوٹھ کے قریب بس اڈے پر کسٹمز انٹیلی جنس کے عملےکے چھاپے کے بعد صورت حال کشیدہ ہوگئی اور مشتعل افراد نے ہنگامہ آرائی شروع کردی۔
پولیس کے مطابق سہراب گوٹھ پنجاب بس اڈے پرکسٹم انٹیلی جنس کے عملے نے اسمگل شدہ سامان کی موجودگی کی اطلاع پر چھاپہ مارکارروائی کی۔
کارروائی کے دوران ممنوعہ سامان ضبط کرکے ایک شخص کو گرفتار کیا گیا، پولیس کے مطابق اس کارروائی کے خلاف بس اڈے پر اشتعال پھیل گیا۔
گرفتاری کے خلاف مشتعل افراد نے سچل کے علاقے میں ہائی وے بند کردی، ہنگامہ آرائی اور پتھراؤ کے بعد ٹریفک متاثر ہوئی جس کے بعد سچل، مبینہ ٹاؤن، سہراب گوٹھ، سائٹ سپر ہائی وے اور دیگر تھانوں کی نفری طلب کرلی گئی۔
