پاکستان ویمن کرکٹ ٹیم کا کنٹری کلب مریدکے میں ٹریننگ کیمپ جاری

پاکستان ویمن کرکٹ ٹیم کا اے سی سی ویمن ایشیا کپ کی تیاری کیلئے لاہور کنٹری کلب مرید کے میں ٹریننگ کیمپ جاری ہے۔

اے سی سی ویمن ایشیا کپ یکم اکتوبر سے بنگلا دیش میں کھیلا جائے گا، ٹریننگ کیمپ کے دوسرے روز قومی ویمن اسکواڈ کی کھلاڑی سیناریو میچ کھیل رہی ہیں۔

بیٹرز اور بولرز کو سیناریو میچ میں مختلف اہداف دیےگئے ہیں، پاکستان ویمن کرکٹ ٹیم کے کیمپ کی جیونیوز پر خصوصی کوریج کی جارہی ہے۔

جیو نیوز سے خصوصی گفتگو میں پاکستان ویمن ٹیم کے کوچ سلیم جعفر کا کہنا تھا کہ کیمپ میں کھلاڑیوں کو زیادہ میچز کھیلنے کا موقع فراہم کیا جائے گا، ڈاٹ بالز پر کام کیا جا رہا ہے کوشش ہے کہ ڈاٹ بالز کھیلنے کی خامی پر قابو پایا جائے۔

سلیم جعفر  نے مزید کہا کہ فٹنس پر بھی بھر پور توجہ دی جا رہی ہے فاطمہ ثنا کا ان فٹ ہونا سیٹ بیک ہے، ایشیا کپ میں انڈیا سے سخت مقابلہ ہوگا جبکہ سری لنکا اور بنگلا دیش بھی بہتر ہوگئی ہیں۔

انہوں نے جیو نیوز کو یہ بھی بتایا کہ ایشیا کپ سے آئر لینڈ اور اسٹریلیا کے خلاف سیریز کی تیاری کا بھر پور موقع ملے گا، ہمارا فوکس ساؤتھ افریقا میں ہونے والے ورلڈکپ پر ہے۔