خاتون جج کو دھمکانے کے کیس میں عمران خان کی ضمانت کنفرم

اسلام آباد کی عدالت نے خاتون  جج کو دھمکانے کے کیس میں عمران خان کی ضمانت کنفرم کردی۔

چیئرمین پی ٹی آئی عمران خان خاتون جج کو دھمکانے کے کیس میں عدالت  میں پیشی کے لیے ایف ایٹ کچہری پہنچے اس موقع پر اسد  عمر اور فیصل  جاوید بھی ان کے ہمراہ تھے۔

سیشن جج کامران بشارت مفتی نے کیس کی سماعت کی جس دوران عمران خان کے وکیل بابر اعوان اور پراسیکیوٹر واجد منیر نے دلائل دیے۔

عدالت نے مختصر سماعت کے بعد چیئرمین پی ٹی آئی کی ضمانت کنفرم کردی جس کے بعد عمران خان عدالت سے روانہ ہوگئے۔

عدالت  کی جانب سے ضمانت کنفرم کیے جانے کے بعد عمران خان  کے وکلا  نے 50 ہزار  روپے کے ضمانتی مچلکے عدالت  میں جمع کرائے۔

خاتون جج کو دھمکانےکا کیس: عمران خان کی عبوری ضمانت منظور

سابق وزیراعظم عمران خان کے خلاف تھانہ مارگلہ میں مقدمہ درج کیا گیا تھا

عمران خان نے خاتون جج کو دھمکی دینے پر عدالت سے معافی مانگ لی، فرد جرم سے بچ گئے

عدالت سمجھتی ہے میں نے حد پارکی تو خاتون جج سے جا کر معافی مانگنے کو تیار ہوں، آئندہ کبھی ایسا عمل نہیں ہوگا، عمران، عدالت نے حلف نامہ جمع کرانے کیلئے 29 ستمبر تک کی مہلت دیدی