12 نومبر ، 2022 
بھارتی صحافی کے شہباز شریف کی ٹوئٹ سے متعلق سوال پر بابر نے کیا جواب دیا؟
12 نومبر ، 2022
پاکستان کرکٹ ٹیم کے کپتان بابر اعظم نے بھارت کی شکست پر وزیر اعظم شہباز شریف کی جانب سے کی گئی ٹوئٹ پر ردعمل دیا ہے۔
میلبرن میں پریس کانفرنس کے دوران بھارتی نیوز چینل 'زی ٹی وی' کے صحافی نے قومی ٹیم کے کپتان سے سوال کیا کہ 'سیمی فائنل میں بھارت کی شکست پر آپ کے ملک کے وزیر اعظم نے ٹوئٹ کی'۔
بھارتی صحافی نے ٹوئٹ کی وضاحت کی کہ 'شہباز شریف نے ٹوئٹ میں کہا اتوار کو 0-152 (پاکستان) کے ساتھ 0-170(انگلینڈ) کا مقابلہ ہوگا، تو آپ کے ملک کے کروڑوں کے نمائندے جب ایسی ٹوئٹ کریں تو اس سے دباؤ آتا ہے؟'
بابر نے مسکراتے ہوئے جواب دیا 'دباؤ تو کچھ نہیں ہے، معاف کیجیے گا میں نے یہ ٹوئٹ دیکھی نہیں ہے اس لیے اس حوالے سے زیادہ معلومات بھی نہیں ہے'۔
کپتان نے مزید کہا 'ایسا نہیں ہے کہ ہم پر دباؤ بڑھتا ہے، کوشش ہوتی ہے مخالف کے خلاف اچھی تیاری کرکے میدان میں اتریں اور بہترین کرکٹ کھیلیں'۔
خیال رہے کہ سیمی فائنل میں بھارت کی انگلینڈ کے ہاتھوں 10 وکٹوں کی شرمناک شکست کے بعد وزیراعظم شہباز شریف نے ٹوئٹ کی تھی۔
وزیر اعظم کا اشارہ بھارت کی 10 وکٹوں سے شکست کی طرف تھا۔ ورلڈ کپ ٹی ٹوئنٹی 2021 میں پاکستان نے بھارت کو 10 وکٹوں سے شکست دی تھی اور 152رنز کا ہدف کامیابی سے حاصل کیا تھا۔
اسی طرح اب ورلڈ کپ کے سیمی فائنل میں انگلینڈ نے بھی بھارت کے 168 رنز کے جواب میں بغیر کسی نقصان کے 170 رنز بنائے اور میچ 10وکٹوں سے جیتا۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
6 گھنٹے پہلے
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
