23 نومبر ، 2022 
پاکستان
مفرور ملزم خرم نثارکی گرفتاری کے لیے قانونی عمل شروع کردیا ہے جب کہ ہم ڈی جی پاسپورٹ کو پاسپورٹ کی منسوخی کےلیے لکھ رہے ہیں: عرفان بلوچ/ اسکرین گریب
کراچی پولیس اہلکار کے قتل میں ملوث ملزم کی گرفتاری کیلئے انٹرپول سے رابطے کا فیصلہ
23 نومبر ، 2022
کراچی پولیس نے پولیس اہلکار کے قتل میں ملوث ملزم خرم نثار کے بیرون ملک فرار پر انٹرپول سے رابطے کا فیصلہ کرلیا۔
ڈی آئی جی عرفان بلوچ نے جیونیوز کو بتایا کہ مفرور ملزم خرم نثارکی گرفتاری کے لیے قانونی عمل شروع کردیا ہے جب کہ ہم ڈی جی پاسپورٹ کو پاسپورٹ کی منسوخی کےلیے لکھ رہے ہیں اور ایف آئی اے کوبھی انٹرپول سے رابطے کے لیے لکھ رہے ہیں۔
واضح رہےکہ ملزم خرم نثار نے گزشتہ روز ڈیفنس فیز5 میں پولیس اہلکار کو فائرنگ کرکے قتل کیا تھا جس کی ویڈیو بھی سامنے آئی تھی جب کہ واقعے کے بعد ملزم خرم نثار بذریعہ ترکی سوئیڈن روانہ ہوگیا تھا۔
