بادشاہی مسجد کے بارے میں انگلینڈ کی بارمی آرمی نے کیا ٹوئٹ کی؟

17 سال بعد دورہ پاکستان پر آنے والی انگلینڈ کی مشہور کرکٹ شائقین کی نمائندگی کرنے والی تنظیم بارمی آرمی پاکستان کے خوبصورت نظاروں سے محظوظ ہو رہی ہے۔

بارمی آرمی کے ٹوئٹر اکاؤنٹ سے پاکستان کے حوالے سے متعدد ٹوئٹس کا سلسلہ جاری ہے جب کہ آج 7 دسمبر کی صبح بھی اس اکاؤنٹ سے کئی ٹوئٹس کی گئیں جس سے اندازہ لگایا جاسکتا ہے کہ بارمی آرمی اس وقت لاہور میں ہے۔

لاہور میں واقع خوبصورت تاریخی بادشاہی مسجد کا سحر اس تنظیم پر بھی طاری ہوگیا۔

ٹوئٹ میں بادشاہی مسجد کی بلندی سے لی گئی تصویر شیئر کی گئی اور لکھا 'لاہور کی یہ مسجد کتنی خوبصورت ہے'۔

ساتھ ہی انہوں نے واہگہ بارڈر  پر ہونے والی تقریب میں بھی شرکت کی، اپنی ٹوئٹ میں بارمی آرمی نے لکھا 'ہوسکتا ہے ہم اگلے سال یہ تقریب بھارت کی طرف سے دیکھ رہے ہوں'۔

ساتھ ہی بارمی آرمی نے مشہورِ زمانہ پاکستانی مسٹر بین سے متعلق بھی پوچھا۔

انہوں نے ٹوئٹ میں کہا 'کوئی ہمارا رابطہ پاکستانی مسٹر بین سے کرواسکتا ہے؟، ہم پاکستان میں ہوتے ہوئے اُس سے ملنا چاہتے ہیں'۔

خیال رہے کہ پاکستان اور انگلینڈ کے درمیان دوسرا ٹیسٹ 9 دسمبر بروز جمعے سے ملتان میں شروع ہورہا ہے۔

'بارمی آرمی' کیا ہے اور یہ کتنے سالوں بعد پاکستان آرہی ہے؟

بارمی آرمی کے ساتھ تقریباً 150 انگلش شائقینِ کرکٹ پاکستان پہنچ رہےہیں

17 سال بعد ملتان میں خوش آمدید کیسے کہا گیا؟ انگلش کرکٹرز کی ٹوئٹس

پاکستان اور انگلینڈ کے درمیان ملتان ٹیسٹ 9 دسمبر بروز جمعے سے شروع ہورہا ہے