11 جنوری ، 2023 
نیوزی لینڈ کیخلاف دوسرے ون ڈے میں بھی شان مسعود کو نہ کھلانے کا فیصلہ
11 جنوری ، 2023
پاکستان کرکٹ ٹیم کے کپتان اور انتظامیہ نے نیوزی لینڈ کے خلاف دوسرے ایک روزہ میچ میں بھی نائب کپتان شان مسعود کو نہ کھلانے کا فیصلہ کیا ہے۔
ذرائع کے مطابق نیوزی لینڈ کے خلاف دوسرے ایک روزہ میچ کے لیے بھی پہلے ون ڈے والی ٹیم کو برقرار رکھنے کا فیصلہ کیا گیا ہے، نائب کپتان شان مسعود کو دوسرے میچ میں بھی نہ کھلانےکا فیصلہ کیا گیا ہے۔
ذرائع کا بتانا ہے کہ پاکستان ٹیم کو حتمی شکل کپتان بابر اعظم، ہیڈ کوچ ثقلین مشتاق اور چیف سلیکٹر شاہد آفریدی دے رہے ہیں۔
یاد رہے کہ پاکستان نے پہلے ون ڈے میں نیوزی لینڈ کو 6 وکٹوں سے شکست دی تھی۔
ذرائع کا کہنا ہے کہ نیوز لینڈ کے خلاف آج کامیابی کی صورت میں تیسرے ون ڈے میں شان مسعود کی ٹیم میں شمولیت کا امکان ہے، تیسرے ون ڈے میں فاسٹ بولرز کو آرام دےکر محمد حسنین اور شاہ نواز دہانی کو بھی موقع دیا جا سکتا ہے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
6 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
9 گھنٹے پہلے
