13 جنوری ، 2023 
پاکستان
الیکشن کمیشن نے 15 جنوری کو سندھ میں بلدیاتی انتخابات کا دوسرا مرحلہ مکمل کرنے کا حکم دیا ہے—فوٹو: جیو نیوز
بلدیاتی انتخابات: کراچی میں انتخابی سامان کی ترسیل کا سلسلہ جاری
13 جنوری ، 2023
سندھ میں بلدیاتی انتخابات ہوں گے یا نہیں یہ صورتحال اب تک کلیئر نہیں ہو سکی تاہم کراچی میں الیکشن کمیشن آف پاکستان کی جانب سے انتخابی سامان ڈسٹری بیوشن سینٹرز تک پہنچا دیاگیا ہے۔
ذرائع الیکشن کمیشن کے مطابق الیکشن کمیشن نے شہر کے ڈپٹی کمشنرز کے دفاتر سے انتخابی سامان ٹرکوں کے ذریعے ڈسٹری بیوشن سینٹرز تک پہنچا دیا ہے۔
ذرائع کے مطابق اگر الیکشن ہوتے ہیں تو کل سے سامان پولنگ اسٹیشنز تک منتقل کیا جائے گا۔
انتخابی سامان کی منتقلی کے وقت پولیس اور سکیورٹی ادارے بھی موجود تھے۔
خیال رہے کہ الیکشن کمیشن نے 15 جنوری کو سندھ میں بلدیاتی انتخابات کا دوسرا مرحلہ مکمل کرنے کا حکم دیا ہے جبکہ حساس اداروں نے الیکشن ملتوی کرنے کی سفارش کی ہے۔
