15 جنوری ، 2023 
پاکستان
کراچی بلدیاتی انتخابات: 80 سالہ بزرگ خاتون سہاروں کے ذریعے ووٹ ڈالنے پہنچ گئیں
15 جنوری ، 2023
کراچی: چنیسر ٹاؤن یو سی 8 میں انتخابی گہما گہمی جاری ہے جہاں اب 80 سالہ بزرگ خاتون بھی اپنا حق رائے دہی استعمال کرنے پہنچ گئیں۔
ووٹ کاسٹ کرنے کیلئے آنے والی 80سالہ بزرگ خاتون کا کہنا ہے کہ پاکستان بننے کے بعد جب بھی انتخابات ہوئے ووٹ دیا ہے۔
بزرگ خاتون کے مطابق جب سے پیپلز پارٹی بنی تب سے ذوالفقار علی بھٹو، شہید بینظیر بھٹو اور اب بلاول بھٹو کے امیدواروں کو ووٹ دیتی ہوں۔
سندھ میں بلدیاتی انتخابات کے دوسرے مرحلے میں کراچی اور حیدرآباد ڈویژن سمیت دیگر اضلاع میں پولنگ کا عمل جاری ہے۔
8 بجے سے شروع ہونے والی پولنگ کا عمل بغیر کسی وقفے کے شام 5 بجے تک جاری رہے گا۔
