27 فروری ، 2023 
’کافی ود کرن کے بجائے لسی ود کرن کرونگا‘ بالی وڈ ہدایتکار کے ہم شکل عثمان کی خواہش
27 فروری ، 2023
بالی وڈ انڈسٹری سے تعلق رکھنے والی کئی شوبز شخصیات کے پاکستانی ہم شکل سامنے آچکے ہیں، انہیں میں سے ایک اور بالی وڈ ہدایتکار کرن جوہر کے پاکستانی ہم شکل کا کہنا ہے کہ میں نہیں بلکہ کرن جوہر میری طرح لگتے ہیں۔
کرن جوہر کے ہم شکل عثمان 2018 میں سوشل میڈیا پر اس وقت سامنے آئے جب انہوں نے اپنے ٹوئٹر اکاؤنٹ سے اپنی ایک تصویر پوسٹ کرتے ہوئے لوگوں کی اپنے سے متعلق رائے بتائی اور کرن جوہر سے سوال کیا ،جس کے جواب میں کرن جوہر نے بھی اتفاق کرتے ہوئے کہا کہ آپ نے مجھے لاجواب کردیا۔
کرن جوہر کے ہم شکل پاکستانی وی لاگر عثمان کا تعلق اسلام آباد سے ہے جنہوں نے نجی میڈیا کو دیے گئے انٹرویو کے دوران بتایا کہ وی لاگنگ کے دوران میرے کئی دوستوں نے مجھے بتایا کہ میری شکل کرن جوہر سے ملتی ہے جس کے بعد میں نے انٹرنیٹ پر کرن جوہر کو سرچ کیا اور مجھے بھی یقین ہوا کہ میری شکل واقعی کرن جوہر سے بہت ملتی ہے۔
اس کے بعد میں نے وہ پوسٹ کی جس کا جواب کرن جوہر کی جانب سے بھی آیا ، عثمان کے مطابق انہوں نے کرن جوہر سے مشابہ دکھنے کیلئے کوئی سرجری نہیں کروائی بکہ وہ قدرتی طور پر ایسے ہی ہیں۔
عثمان خان کے مطابق وہ حافظ قرآن ہیں ، نعت خواں ہیں ، یہی نہیں گنگنا بھی لیتے ہیں۔
دوران انٹریو عثمان نے یہ بھی بتایا کہ وہ کرن جوہر کے معروف شو کافی ود کرن کے بجائے لسی ود کرن شو کریں گے ، اس شو کو کسی اچھی لسی کی دکان سے کیا جائے گا۔
مزید خبریں :
کراچی: چوروں نے فخر عالم کے گھر کا صفایا کردیا،اداکار سخت مایوس
30 جنوری ، 2025
شوبز میں مجبوری کے تحت آئی: امبر خان
30 جنوری ، 2025
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
