06 مارچ ، 2023 
پاکستان
دکاندار رقم لے کر پہنچا تو ملزمان نے اسے لوٹنے کی کوشش کی جس پر مزاحمت کرنے پر ملزمان نے فائرنگ کی: فائل فوٹو
دکاندار کی دلیری، ڈاکوؤں کی فائرنگ سے زخمی ہونے کے باوجود 24 لاکھ بچالیے
06 مارچ ، 2023
کراچی: منگھوپیر میں دکاندار نے ڈاکوؤں کی فائرنگ سے زخمی ہونے کے باوجود 24 لاکھ روپے بچالیے۔
ایس ایس پی ویسٹ فیصل بشیر کے مطابق نصرت بھٹو کالونی میں کریانہ کی دکان کا مالک رقم بینک میں جمع کرانے کے لیے نیا ناظم آباد پہنچا جس کے تعاقب میں آنے والے ملزمان نے دکاندار کو روک کر لوٹنے کی کوشش کی۔
ڈاکوؤں کے آنے پر دکاندار نے مزاحمت کی تو ملزمان نے فائرنگ کردی جس سے گولی دکاندار کی ٹانگ میں لگی اور وہ زخمی ہوگیا۔
دکاندار زخمی ہونے کے باوجود قریب ہی واقع بینک میں گھس گیا اور رقم بینک انتظامیہ کے حوالے کردی جب کہ فائرنگ کرنے کے بعد ڈاکو فرار ہوگئے۔
