پاکستان کے زر مبادلہ کے ذخائر میں کمی

اسٹیٹ بینک آف پاکستان نے ملکی زرمبادلہ کے ذخائر کے اعداد و شمار جاری کردیے۔

اسٹیٹ بینک کی جانب سے جاری بیان کے مطابق ملکی زرمبادلہ کے ذخائر 24 مارچ کو ختم ہونے والے ہفتے میں 32.33 کروڑ ڈالر کم ہوئے۔

اسٹیٹ بینک کے مطابق ملکی زرمبادلہ کے مجموعی ذخائر 24 مارچ تک 9 ارب 81 کروڑ ڈالر رہے۔

اسٹیٹ بینک کے پاس موجود زرمبادلہ کے ذخائر 35 کروڑ ڈالر کم ہوکر  4.24 ارب ڈالر رہے جبکہ کمرشل بینکوں کے ذخائر 3 کروڑ ڈالر اضافے سے 5.57 ارب ڈالر رہے۔