05 اپریل ، 2023 
پاکستان
ملزم کے قبضے سے 2100 ایکٹیوٹڈ موبائل فون سمز، 1973 سیلیکون انگوٹھے، 1947 پیپر انگوٹھے شیٹ برآمد کر لی گئی ہیں: ایف آئی اے۔
ملزم ہزاروں کی تعداد میں موبائل فون سمز غیر قانونی طریقے سے ایکٹیو کرنے میں ملوث تھا۔
جعلی بائیو میٹرک سے موبائل فون سمز ایکٹیو کرکے فروخت کرنیوالا ملزم گرفتار
05 اپریل ، 2023
وفاقی تحقیقاتی ادارے (ایف آئی اے) کے سائبر کرائم سرکل نے کوئٹہ میں ایک بڑی کارروائی کرکے مختلف شہریوں کے جعلی بائیو میٹرک کے ذریعے غیر قانونی طور پر موبائل فون سمز کے اجراء میں ملوث ایک ملزم کو کوئٹہ سے گرفتار کر لیا۔
ترجمان ایف آئی اے کے مطابق ملزم ہزاروں کی تعداد میں موبائل فون سمز غیر قانونی طریقے سے ایکٹیو کرنے میں ملوث تھا، ملزم کے قبضے سے 2100 ایکٹیوٹڈ موبائل فون سمز، 1973 سیلیکون انگوٹھے، 1947 پیپر انگوٹھے شیٹ برآمد کر لی گئی ہیں۔
ترجمان کے مطابق ملزم کے قبضے سے271 سیلیکون شیٹ، 20 ووٹر لسٹیں اور موبائل فونز بھی برآمد کئے گئے ہیں، گرفتار ملزم کے خلاف پیکا ایکٹ کے تحت مقدمہ درج کیا گیا ہے اور اس ست مزید تفتیش جاری ہے۔
