21 اپریل ، 2023 
کراچی: عید کیلئے بناؤ سنگھار کرنے والے کئی شہری ہئیر ڈریسر شاپ میں لٹ گئے
21 اپریل ، 2023
عید کے موقع پر بناؤ سنگھار کرنے والے کئی شہریوں کو قائد آباد کی ہیئر ڈریسر شاپ میں ڈاکوؤں نے لوٹ لیا۔
سی سی ٹی وی فوٹیج میں ملزمان کو واردات کرتے اور فرار ہوتے دیکھا جا سکتا ہے۔ پولیس کے مطابق واردات کراچی ڈسٹرکٹ ملیر کے تھانہ قائد آباد کی حدود بنگالی پاڑہ میں ہیئر ڈریسر کی دکان میں ہوئی۔
سی سی ٹی وی فوٹیج میں دیکھا جاسکتا ہے کہ موٹر سائیکل سوار 3 ملزمان آتے ہی دکان کے باہر انتظار میں بیٹھے ایک شخص سے پہلے موبائل فون اور نقد رقم لوٹ لیتے ہیں۔
ملزمان نے دکان کے اندر موجود انتظار میں بیٹھے گاہکوں اور دکان دار سے موبائل فون اور نقد رقم چھینی اور باآسانی فرار ہوگئے۔
واضح رہے کہ گزشتہ روز شاہ لطیف ٹاؤن میں ہیئر ڈریسر شاپ، ٹیلرنگ شاپ اور دیگر دکانوں میں بھی وارداتیں ہوئی تھیں۔
