دنیا کے کروڑوں افراد کے ہاتھوں میں یہ 'لکیر' کیوں موجود نہیں ہوتی؟

یقین کرنا مشکل ہوگا مگر ہمارا جسم کسی میوزیم سے کم نہیں، جس میں ایسے قدیم فیچرز موجود ہیں جن کا مقصد اب سمجھ نہیں آتا۔

عقل داڑھ سے لے کر اپنڈکس اور بھی بہت کچھ ایسا ہے جن کی موجودگی کا مقصد سائنسدانوں کی سمجھ سے باہر ہے۔

ان میں سے ایک چیز ہمارے ہاتھوں میں چھپی ہے بلکہ یہ کہنا چاہیے کہ اب بھی بیشتر افراد کی کلائیوں میں اسے دیکھا جا سکتا ہے مگر متعدد اس سے محروم بھی ہوتے ہیں۔

درحقیقت دنیا میں 15 فیصد افراد ایسے بھی ہیں جن کی کلائی میں یہ چیز موجود نہیں اور وہ ہے ایک مخصوص مسل۔

کچھ افراد کے ہاتھوں کی رگیں بہت زیادہ ابھری ہوئی کیوں ہوتی ہیں؟

یہ کوئی طبی مسئلہ نہیں مگر کچھ افراد کو لگتا ہے کہ اس سے ان کے ہاتھ بدصورت ہوگئے ہیں یا بڑھاپا ظاہر ہورہا ہے۔

اگر آپ دیکھنا چاہتے ہیں کہ یہ مسل ہاتھوں میں موجود ہے یا نہیں تو کسی سپاٹ میز پر ہاتھ کو رکھیں اور پھر چھوٹی انگلی سے انگوٹھے کو چھوئیں۔

ایسا کرنے پر کیا آپ کو کلائی کے درمیان میں ایک مسل یا لکیر نظر آئے گی جو کسی حد تک ابھری ہوئی ہوگی؟

اگر ہاں تو آپ دنیا کے ان 85 فیصد افراد میں شامل ہیں جن کے ہاتھوں میں اب بھی پامیرس لونگس نامی یہ مسل موجود ہے۔

مگر 15 فیصد افراد پیدائشی طور پر ایک یا دونوں ہاتھوں میں اس مسل کے بغیر پیدا ہوتے ہیں۔

کیا قبل از وقت سفید ہونے والے بالوں کی رنگت واپس بحال کرنا ممکن ہے؟

سوال یہ ہے کہ کیا اگر بال قبل از وقت سفید ہو جائیں تو ان کی قدرتی رنگت واپس لانا ممکن ہے؟

مگر اس مسل کا کوئی خاص مقصد نظر نہیں آتا کیونکہ اس سے محروم ہونے یا موجودگی سے گرفت کی مضبوطی یا کلائی کی لچک میں کوئی خاص فرق نہیں پڑتا۔

زیادہ تر سرجن پلاسٹک سرجری یا جسم میں کسی سرجری کے دوران اکثر اس مسل کو نکال دیتے ہیں۔

تو پھر ہمارے جسم میں یہ مسل کیوں موجود ہے؟ اس کا جواب بہت دلچسپ ہے۔

سائنسدانوں نے دریافت کیا کہ اگرچہ آج کے عہد میں بیشتر ممالیہ جانداروں میں یہ مسل موجود ہوتا ہے مگر یہ زیادہ تر ایسے جانوروں میں نمایاں ہوتا ہے جو کہنی کو گھمانے کے عادی ہوتے ہیں جیسے لنگور یا بندر وغیرہ۔

وقت کے لیے استعمال ہونے والے 'اے ایم' اور 'پی ایم' کن الفاظ کے مخفف ہیں؟

یہ کن الفاظ کے مخفف ہیں اس کا علم بہت کم افراد کو ہے۔

یعنی ایسے جانداروں کے ہاتھوں میں یہ زیادہ نمایاں ہوتا ہے جو ہاتھوں کے بل جھولنے کے عادی ہوتے ہیں یا یوں کہہ لیں کہ درختوں پر اپنا وقت زیادہ گزارتے ہیں۔

یعنی انسانوں میں اس کا کوئی حقیقی استعمال موجود نہیں اور یہ ہمارے جسمانی ارتقا کا وہ حصہ ہے جو زمانہ قدیم کے انسانوں سے ہم میں منتقل ہوا۔

زمانہ قدیم کے انسانوں میں تو یہ مسل بہت نمایاں ہوتا تھا مگر جیسے جیسے انگوٹھوں کا استعمال زیادہ کرنے لگے اور درختوں پر چڑھنے کی ضرورت نہیں رہی، تو اس کی موٹائی بتدریج گھٹنے لگی اور اب یہ بس ایک یادگار کے طور پر موجود ہے۔

یعنی آپ کے ہاتھ میں یہ مسل موجود ہے یا نہیں، اس سے کوئی فرق نہیں پڑتا کیونکہ اس کا استعمال ہی نہیں ہوتا۔

وہ قبیلہ جس کے بچے بھی زیرآب 13 منٹ تک سانس روک سکتے ہیں

یہ افراد سمندر میں زندگی گزارتے ہیں اور پانی کے اندر 200 فٹ گہرائی میں اوسطاً 13 منٹ تک آسانی سے رہ سکتے ہیں۔

دلچسپ بات یہ ہے کہ کچھ افراد کے صرف ایک ہاتھ میں یہ مسل ہوتا ہے تو کچھ کے دونوں ہاتھوں میں، اور 15 فیصد تو ایسے ہیں جو مکمل طور پر اس سے محروم ہیں۔

سائنسدانوں کے مطابق بیشتر افراد کی کلائی سے کہنی تک 20 مسلز ہوتے ہیں اور یہ سب ہاتھوں کو موڑنے، کلائیوں کو حرکت دینے، ہاتھوں کو ہلانے اور دیگر افعال میں مدد فراہم کرتے ہیں۔

مگر 15 فیصد افراد کی کلائی سے کہنی تک 19 مسل ہوتے ہیں اور پامیرس لونگس موجود نہیں ہوتا۔

سائنسدانوں کے مطابق یہ مسل کلائی کی لچک میں کسی حد تک مدد فراہم کرتا ہے اور اس وقت نمایاں ہوتا ہے جب ہم ہاتھوں کو حرکت دیتے ہوئے کسی چیز کو گرفت میں لیتے ہیں، مگر روزمرہ کی سرگرمیوں اس کی اب کوئی ضرورت نہیں ہوتی۔

دنیا کے کس ملک میں سورج سب سے پہلے طلوع ہوتا ہے؟

دنیا میں سورج سب سے پہلے کس ملک میں طلوع ہوتا ہے، اس سوال کا جواب سادہ نہیں بلکہ ذہن گھما دینے والا ہے۔

یعنی اگر آپ کے ہاتھ میں یہ مسل نہیں تو بھی ہاتھ اور کلائی کی حرکت پر کوئی فرق نہیں پڑتا۔

ویسے آپ یہ ضرور دیکھ سکتے ہیں کہ آپ کے ہاتھ میں یہ مسل موجود ہے یا نہیں، جس کا طریقہ کار اوپر درج کیا جاچکا ہے۔