09 جولائی ، 2023 
کراچی: لڑکی کو ہراساں کرنیوالے ملزم کا خاکہ تیار کرلیا گیا
09 جولائی ، 2023
کراچی کے علاقےگلستان جوہر میں لڑکی کو ہراساں کرنے کے معاملے کی تحقیقات جاری ہیں اور پولیس نے ملزم کا خاکہ تیار کرالیا ہے۔
پولیس کے مطابق خاکہ سی سی ٹی وی اور عینی شاہدین کی مدد سے تیار کیا گیا ہے۔
پولیس کا کہنا ہےکہ واقعے سے متعلق 300 لوگوں سے پوچھ گچھ کی جاچکی ہے۔
پولیس کی جانب سے واقعے کی تفتیش کے لیے 15 افراد کو حراست میں بھی لیا گیا ہے، ان افراد میں گلی کا چوکیدار اور ایک گھریلو ملازمہ بھی شامل ہے۔
پولیس حکام کی جانب سے واقعے کی تحقیقات کے لیے پانچ رکنی تحقیقاتی ٹیم بنائی گئی ہے،کمیٹی میں ایس پی گلشن، 2 ڈی ایس پیز اور 2 ایس ایچ اوز شامل ہیں۔
خیال رہے کہ گزشتہ دنوں گلستان جوہر میں گلی سے گزرتی لڑکی پر نوجوان کے جنسی حملےکی سی سی ٹی وی ویڈیو سامنے آئی تھی۔
ماسک پہنے ملزم نے لڑکی پر جھپٹنےکی کوشش کی، لڑکی نے مزاحمت کی تو ملزم پیچھے ہٹنے پر مجبور ہوگیا اور فرار ہوگیا۔
تفصیلات کے مطابق یہ واقعہ گلستان جوہر بلاک 4 مغل ہزارہ گوٹھ کے قریب پیش آیا تھا اور یہ واقعہ 3 روز قبل کا ہے، ملزم کی موٹر سائیکل پر نمبر پلیٹ بھی نہیں لگی ہوئی تھی
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
