کان کی بناوٹ آپ کے بارے میں کیا بتاتی ہے؟

ہر انسان کے جسم کی ساخت اور بناوٹ ایک دوسرے سے مختلف ہے ، ناک، کان، ہاتھ ، پاؤں سب ہی مختلف ہوتے ہیں، یقیناً آپ نے بھی چہرے کے خدوخال پر کبھی غور تو کیا ہوگا کہ یہ کس طرح دوسرے لوگوں سے الگ ہوتے ہیں۔

فیزیوگنومی (شخصیت شناسی) کی دنیا میں یہ ایسا مطالعہ کہلاتا ہے جو جسمانی اعضاء کا تعلق ہماری شخصیت س جوڑتا ہے کہ جسم کے اس اعضاء کی بناوٹ ہماری شخصیت کے کون سے پہلو کا حوالہ دیتی ہے۔

آئیے آج ہم کو یہ بتاتے ہیں کہ کان کی بناوٹ انسان کی شخصیت کے بارے میں کیا بتاتی ہے۔

1) بڑے کان کی بناوٹ والے افراد میں کیا خصوصیات ہوتی ہیں؟

کیا آپ کے کان بھی اوپر تصویر میں دکھائے گئے نمبر 1 کان کی طرح بڑے ہیں؟

ایسے افراد پرسکون طبیعت کے مالک ہوتے ہیں اور مستحکم مزاج ان کی پہچان ہوتا ہے، یہ افراد آسانی سے پریشانی یا دباؤ کا شکار نہیں ہوتے،  مشکل سے مشکل حالات میں بھی یہ لوگ صبر اور مستقل مزاجی کا دامن نہیں چھوڑتے۔ 

پراعتماد ہونے کے ساتھ یہ افراد اپنے حق کے لیے کھڑا ہونا جانتے ہیں، انہیں ماضی یا مستقبل کی فکر نہیں ہوتی، یہ لوگ حال میں جینا پسند کرتے ہیں۔

وقت آنے پر پسندیدہ چیز چھوڑنے سے نہیں گھبراتے، ان میں سے کئی افراد کھلی ذہنیت کے خوش مزاج لوگ ہوتے ہیں۔

2) چھوٹے کان والے افراد

اگر آپ کے کان کی بناوٹ چھوٹی ہے تو آپ کی شخصیت کے خدوخال ظاہر کرتے ہیں کہ آپ شرمیلے اور انٹروورٹ قسم کے انسان ہیں جو زیادہ جلدی کسی سے گُھلتے ملتے نہیں ہیں، آپ زیادہ تر اپنے قریبی دوستوں یا تنہا وقت گزارنا پسند کرتے ہیں۔

آپ نظم و ضبط اور خود پر قابو رکھنا بہتر طریقے سے جانتے ہیں،  یہ افراد آسانی سے دوسروں سے متاثر نہیں ہوتے، ساتھ ہی یہ ذہین ہوتے ہیں۔ انہیں اپنے اہداف سیٹ کرنے اور پھر ان پر قائم رہ کر انہیں مکمل کرنا بخوبی آتا ہے۔

ہوسکتا ہے کہ ایسے کان والے افراد لوگوں کو جانچنے اور انہیں پڑھنے کے قابل ہوں، ان کا دنیا کو دیکھنے کا نظریہ دوسرے سے مختلف ہوتا ہے اگرچہ آپ شرمیلے ہو سکتے ہیں، لیکن آپ ضرورت پڑنے پر اظہار خیال کرنے سے نہیں ڈرتے، یہ لوگ دوسروں سے تعریف حاصل کرنے کے خواہاں بھی نہیں ہوتے۔

3) سر سے جڑے ائیر لوبز (Attached Earlobe)

یہ افراد دوسروں کے لیے ہر وقت مدد کو تیار رہتے ہیں اور پریشانیوں کو سمجھتے ہیں، وفادار اور بھروسے کے قابل افراد ہوتے ہیں، لوگوں کو آپ سے بات کرنے یا آپ تک رسائی میں مشکل نہیں پیش آتی، آپ لوگ اپنے وعدوں کو پورا کرنا بھی جانتے ہیں۔

یہ افراد وجوہات اور منطق پر فیصلے کرنے کا قائل ہوتے ہیں، یہ افراد کسی بھی مشکل سے لڑ جانے کے بعد واپسی کا راستہ جانتے ہیں۔

4) نوک دار کان:

اگر آپ کے کان کی بناوٹ اوپر دی گئی تصاویر میں نمبر 4 جیسی ہے تو آپ مثبت اور تخلیقی سوچ رکھنے والے انسان ہیں، آپ اپنے اظہار  خیال کرنے سے نہیں ڈرتے، آپ خود مختار  ہونے کے ساتھ ساتھ  اپنی مرضی کرنے سے نہیں ڈرتے۔

آپ اپنے جذبات کے اظہار میں دیر نہیں کرتے، اس کے علاوہ جس بات کی ٹھان لیں، وہ پھر کرکے ہی دم لیتے ہیں۔