28 جولائی ، 2023 
سرینجز کا دوبارہ استعمال ملک میں ہیپاٹائٹس اور ایچ آئی وی کا سب سے بڑا سبب قرار
28 جولائی ، 2023
اسلام آباد: سابق معاون خصوصی برائے صحت ڈاکٹر فیصل سلطان کا کہنا ہےکہ پاکستان میں ہیپاٹائٹس بی سی اور ایچ آئی وی کے پھیلاؤ کا سب سے بڑا سبب سرینجز کا دوبارہ استعمال ہے۔
ہیپاٹائٹس کے عالمی دن کے موقع پر جاری بیان میں ڈاکٹر فیصل سلطان نے کہا کہ آلودہ خون کی منتقلی بھی ہیپاٹائٹس بی، سی اور ایچ آئی وی کے پھیلاؤ کا بڑا سبب ہے، ہیپاٹائٹس بی اور سی آلودہ خون سے پھیلنے والی بیماریاں ہیں۔
ڈاکٹر فیصل سلطان کے مطابق پاکستان میں ہیپاٹائٹس بی سی اور ایچ آئی وی کے پھیلاؤ کا سب سے بڑا سبب سرینجز کا دوبارہ استعمال ہے، پاکستان میں سالانہ ڈیڑھ ارب سے زائد انجیکشن لگائے جاتے ہیں، پاکستان میں اوسطاً ہر شخص کو6 سے زائد انجیکشن سالانہ لگائے جاتے ہیں، پاکستان میں تمام آبادی کو ٹیسٹ اور ٹریٹ کرکے ہیپاٹائٹس سی پر قابو پایا جا سکتا ہے۔
دوسری جانب ڈاکٹر سعد خالد نیاز کا کہنا ہےکہ خون کا عطیہ دینے سے ہیپاٹائٹس بی اور سی کا ٹیسٹ مفت ہو جاتا ہے، ہیپاٹائٹس اے اور ای آلودہ پانی سے پھیلنے والی بیماریاں ہیں۔
علاوہ ازیں عالمی ادارہ صحت کے مطابق پاکستان میں ہیپاٹائٹس سی کے مریضوں کی تعداد ایک کروڑ 20 لاکھ سے زائد ہے۔
مزید خبریں :
پیٹ پھولنے اور گیس کے مسئلے سے نجات دلانے والی بہترین غذائیں
13 دسمبر ، 2024
رواں برس پاکستان میں پولیو کیسز کی تعداد 63 ہوگئی
13 دسمبر ، 2024
وہ غذائیں جن کو پکانے سے قبل دھونا نہیں چاہیے
12 دسمبر ، 2024
اچھی نیند کا ایک اور بہترین فائدہ سامنے آگیا
11 دسمبر ، 2024
