04 اگست ، 2023 
لاہور کے علاقے اقبال ٹاؤن میں گھر میں ڈکیتی، ڈاکو ایک کروڑ روپے اور زیورات لوٹ کر فرار
04 اگست ، 2023
لاہور کے علاقے اقبال ٹاؤن میں ڈاکو شہری کے گھر سے ایک کروڑ روپے سے زائد مالیت کی نقدی اور طلائی زیورات لوٹ کر فرار ہوگئے۔
پولیس کے مطابق نرگس بلاک اقبال ٹاؤن میں ڈاکو متاثرہ شہری خالد کے گھر داخل ہوئے اور اس کی اہلیہ کو تشدد کا نشانہ بنا کر یرغمال بنالیا۔
پولیس کا کہنا ہےکہ ملزمان گھر سے ایک کروڑ روپے سے زائد کی نقدی اور زیورات لوٹ کر فرار ہوگئے۔
متاثرہ شہری خالد کے مطابق ڈاکوؤں نے اس کی اہلیہ کو سر میں پستول کے بٹ مار کر اسے زخمی بھی کر دیا۔
پولیس اورفرانزک ٹیم نے جائے وقوعہ سے شواہد اکھٹے کرکے تفتیش شروع کر دی ہے۔
واضح رہے کہ گزشتہ روز کراچی کے علاقے کورنگی بھٹائی کالونی میں نامعلوم ملزم نے گھر میں گھس کر رنگ اور پالش کا کام کرنے والے مزدور کو گلہ کاٹ کر قتل کر دیا تھا۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
