10 اگست ، 2023 
ایشیا کپ: پاک بھارت ٹاکرے کے دوران مکی آرتھر کی موجودگی کیلئے منصوبہ بندی
10 اگست ، 2023
لاہور : قومی ٹیم کے ڈائریکٹر مکی آرتھر کے ایشیا کپ میں پاک بھارت میچ کے دوران موجود ہونے کا پلان بنایا جارہا ہے۔
ذرائع کے مطابق افغانستان سے سیریز کے دوران مکی آرتھر کے سری لنکا پہنچنے کی منصوبہ بندی کی جارہی ہے جس کے تحت مکی آرتھر کے 23 اگست سے 3 ستمبر تک ٹیم کے ہمراہ سری لنکا میں موجود ہونے کا امکان ہے۔
پاکستان کرکٹ بورڈ نے ابھی مینجمنٹ کا باقاعدہ اعلان کرنا ہے اور مکی آرتھر ان دنوں انگلینڈ میں کاؤنٹی کرکٹ میں مصروف ہیں۔
ذرائع کا کہنا ہے کہ ہیڈکوچ گرانٹ بریڈ برن لاہور پہنچ گئے ہیں جب کہ فزیو کلف ڈیکن کل، بیٹنگ کوچ اینڈریو پیو ٹک 13 اگست، ٹرینر ڈریکس سائمن 14 اگست کو لاہور میں جوائن کریں گے۔
بولنگ کوچ مورنی مورکل 17اگست کو سری لنکا میں ٹیم کو جوائن کریں گے۔
پاکستان میں موجود قومی اسکواڈ کے کھلاڑی 14 سے 16اگست تک نیشنل کرکٹ اکیڈمی میں ٹریننگ کریں گے اور 17 اگست کو سری لنکا روانہ ہوں گے۔
لنکا پریمیئر لیگ اور دی ہنڈریڈ کھیلنے والے کھلاڑی 18 اگست کو سری لنکا میں ٹیم کو جوائن کریں گے۔
واضح رہے کہ پاکستان اور افغانستان کے درمیان سیریز کا آغاز 22 اگست سے ہو گا۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
