لگ بھگ 5 دہائیوں بعد پہلی بار روسی اسپیس کرافٹ چاند کے مدار میں داخل

روس کا اسپیس کرافٹ لونا 25 چاند کے مدار میں داخل ہوگیا ہے۔

روسی خلائی ادارے راسکوسموس کی جانب سے جاری بیان کے مطابق لونا 25 چاند کے مدار میں پاکستانی وقت کے مطابق دوپہر 2 بجے داخل ہوا۔

بیان میں بتایا گیا کہ یہ اسپیس کرافٹ 5 دن تک مدار میں چکر لگائے گا اور پھر اپنا راستہ بدل کر 21 اگست کو چاند کے قطب جنوبی میں لینڈنگ کی کوشش کرے گا۔

خیال رہے کہ لونا 25 کو 11 اگست کو روانہ کیا گیا تھا اور یہ 47 سال میں پہلا مشن تھا جو روس نے چاند کی جانب روانہ کیا۔

47 سال بعد روس کا خلائی مشن چاند پر روانہ

مشن چاندکے قطب جنوبی پر اتر کے نمونے جمع کرےگا تاکہ چاند پر پانی کی ممکنہ موجودگی کا پتہ لگایا جاسکے، روسی خلائی ایجنسی

اس سے پہلے روس نے 1976 میں لونا 24 چاند پر بھیجا تھا جو چاند کی سطح سے 170 گرام مٹی لایا تھا۔

لونا 25 کے ساتھ ساتھ بھارت کا چندریان 3 مشن بھی اس وقت چاند کے مدار میں موجود ہے جو 23 اگست کو اسی خطے میں لینڈنگ کی کوشش کرے گا جہاں روسی اسپیس کرافٹ اتارا جائے گا۔

واضح رہے کہ جولائی میں روانہ کیے جانے والا چندریان 3 مشن اگست کے شروع میں چاند کے مدار میں داخل ہوا تھا۔

لونا 25 کا حجم ایک چھوٹی گاڑی جتنا ہے اور اگر وہ کامیابی سے لینڈ کرگیا تو وہ ایک سال تک چاند کے جنوبی قطب میں کام کرے گا۔

اب تک امریکا، چین اور روس چاند پر مختلف مشنز کامیابی سے اتار چکے ہیں مگر قطب جنوبی میں لینڈنگ کی کوشش نہیں کی گئی۔

چاند پر بھیجے گئے روسی خلائی مشن نے ڈیٹا بھیجنا شروع کر دیا

جمعے کو روانہ ہونے والا لونا 25 پانچ روز میں چاند تک پہنچے گا اور چاند کے مدار میں ایک ہفتہ گزارنے کے بعد چاند کی سطح پر اترے گا۔

سائنسدانوں کا خیال ہےکہ چاندکے قطب جنوبی میں کافی مقدار میں برف موجود ہے۔

چاند پر برف یعنی پانی کی موجودگی کا مطلب یہ ہے کہ مستقبل میں چاند پر اترنے والے انسان اسے استعمال کرسکیں گے۔

یہ برف نہ صرف پینےکے پانی میں تبدیل کی جاسکتی ہے بلکہ اس سے آکسیجن اور ہائیڈروجن حاصل کی جاسکتی ہے جس سے وہاں زندہ رہنے اور راکٹ یا خلائی جہاز کے لیے فیول حاصل کرنا ممکن ہوسکتا ہے۔