02 ستمبر ، 2023 
نیوزی لینڈ نے ورلڈکپ سے قبل دورہ بنگلادیش کیلئے سینیئر کھلاڑیوں کو آرام دیدیا
02 ستمبر ، 2023
نیوزی لینڈ کرکٹ نے دورہ بنگلا دیش کے لیے اپنے سینیئر کھلاڑیوں کو آرام دے دیا، ہیڈ کوچ گیری اسٹیڈ بھی ٹیم کے ہمراہ بنگلا دیش نہیں جائیں گے۔
نیوزی لینڈ نے ورلڈ کپ سے قبل بنگلا دیش میں تین ون ڈے میچز کھیلنا ہیں، یہ ون ڈے میچز 21 ،23 اور26 ستمبر کو شیڈولڈ ہیں۔
تاہم اس سیریز کیلئے نیوزی لینڈ نے اپنے سینیئر کھلاڑیوں کو آرام دیا ہے جبکہ ہیڈ کوچ گیری اسٹیڈ بھی ٹیم کے ہمراہ بنگلا دیش نہیں جائیں گے، بیٹنگ کوچ لیوک رونچی ہیڈکوچ کے فرائض انجام دیں گے۔
نیوزی لینڈ کرکٹ کے مطابق تین ون ڈے میچز کی سیریز کے لیے لوکی فرگوسن کو کپتان مقرر کیا گیا ہے،کین ولیمسن گھٹنے کے ری ہیب میں مصروف ہیں جبکہ ٹام لیتھم نے بریک لی ہے۔
اس کےعلاوہ دورہ بنگلادیش کے لیے سینیئر کھلاڑی ڈیون کانوے، میٹ ہنری، ڈیرل میچل، گلین فلپس ،میچل سینٹنر اور ٹم ساؤتھی بھی اسکواڈ میں شامل نہیں ہیں، مارک چیپمین اور جمی نیشم پہلے ہی فیملی کمٹ منٹ کی وجہ سے دستیاب نہیں تھے۔
نیوزی لینڈ کرکٹ کے مطابق کرکٹرز کو ورلڈ کپ کی وجہ سے مختصر بریک دی گئی ہے۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
