15 ستمبر ، 2023 
پاکستان
حافظ حمداللہ کو کوئٹہ سے ائیر ایمبولنس کے ذریعے کراچی پہنچایا گیا: ذرائع— فوٹو:
مستونگ دھماکے میں زخمی حافظ حمد اللہ کراچی منتقل
15 ستمبر ، 2023
مستونگ دھماکے میں شدید زخمی ہونے والے جمعیت علمائے اسلام (جے یو آئی) کے رہنما حافظ حمد اللہ کو کراچی منتقل کردیا گیا۔
ایوی ایشن ذرائع کے مطابق حافظ حمداللہ کو کوئٹہ سے ائیر ایمبولنس کے ذریعے کراچی پہنچایا گیا۔
حافظ حمداللہ کو کراچی ائیرپورٹ سے ایمبولنس کے ذریعے اسٹیڈیم روڈ پر واقع نجی اسپتال منتقل کر دیا گیا۔
جے یو آئی رہنما کی کراچی منتقلی کے موقع پر مقامی قیادت ائیر پور ٹ پر موجود تھی۔
خیال رہے کہ گزشتہ روز بلوچستان کے ضلع مستونگ میں ہونے والے دھماکے میں جے یو آئی رہنما حافظ حمد اللہ سمیت 11 افراد زخمی ہوئے۔
