17 اکتوبر ، 2023 
پی سی بی کی پاک بھارت میچ میں کراؤڈ کی جانب سے غیر مناسب رویے پر آئی سی سی سے شکایت
17 اکتوبر ، 2023
پاکستان کرکٹ بورڈ(پی سی بی) نے احمد آباد میں پاکستان اور بھارت کے ورلڈکپ میچ کے دوران کراؤڈ کی جانب سے غیر مناسب رویے پر انٹرنیشنل کرکٹ کونسل سے شکایت کی ہے۔
14 اکتوبر کو آئی سی سی کرکٹ ورلڈکپ کے سب سے بڑے ٹاکرے میں اگرچہ بھارت کی کارکردگی پاکستان پر غالب رہی اور بھارت باآسانی گرین شرٹس کو 7 وکٹوں سے شکست دینے میں کامیاب ہوگیا لیکن احمد آباد اسٹیڈیم میں موجود شائقین کا نامناسب رویہ سوشل میڈیا پر تنقید کی زد میں آگیا۔
میچ کے دوران اسٹیڈیم میں جہاں لاکھوں کے مجمع میں ہزار پاکستانی فینز بھی نظر نہ آئے وہیں بھارتی شائقین کا پاکستانی کھلاڑیوں سے نامناسب رویہ بھی دیکھا گیا۔
کہیں ٹاس کے بعد بھارت کے شائقین پاکستانی کپتان بابر اعظم کو تنگ کرتے ہوئے نظر آئے تو کہیں رضوان کے آؤٹ ہونے کے بعد ان کے پویلین لوٹتے وقت شائقین نے ہندو پرستانہ نعرے لگائے اور نامناسب لفظوں کا استعمال کیا جس کی ویڈیوز بھی وائرل ہوئیں۔
تاہم پی سی بی نے احمد آباد میں پاکستان اور بھارت کے میچ کے دوران کراؤڈ کے غیر مناسب رویے پر آئی سی سی سے شکایت کی ہے۔
پی سی بی نے آئی سی سی کو کہا کہ میچ کے دوران قومی اسکواڈ کو غیر مناسب طریقے سے ٹارگٹ کیا گیا۔
پی سی بی نے آئی سی سی سے پاکستانی صحافیوں کے بھارتی ویزوں کے تاخیر اور ان کی غیر حاضری کی پالیسی پر احتجاج بھی کیا۔
اس کے علاوہ پی سی بی نے ورلڈ کپ کے لیے پاکستانی شائقین کرکٹ کی ویزہ میں تاخیر پر بھی احتجاج ریکارڈ کر وایا۔
مزید خبریں :
پی ایس ایل 10: دو میچز کے شیڈول میں تبدیلی کا امکان
2 گھنٹے پہلے
