آپ کی گاڑی میں موجود اس بٹن کا مقصد اور فائدہ جانتے ہیں؟

ہر گاڑی کے ڈیش بورڈ میں متعدد علامتیں موجود ہوتی ہیں جو تصویری زبان میں اپنا مطلب بیان کرتی ہیں۔

ان میں سے اے سی (ائیر کنڈیشنر) بٹن کو تو سب آسانی سے پہچان لیتے ہیں مگر ائیر سرکولیشن بٹن کے بارے میں ایسا نہیں کہا جاسکتا۔

اس بٹن میں ایک ننھی گاڑی بنی ہوتی ہے جس کے گرد ایک تیر گھوم رہا ہوتا ہے۔

مگر جب آپ کسی گرم دن میں گاڑی میں اے سی کو چلاتے ہیں تو پھر یہ بٹن آپ کے لیے بہت کارآمد ثابت ہو سکتا ہے۔

گاڑیوں کی پچھلی کھڑکیاں مکمل طور پر نیچے کیوں نہیں ہوتیں؟

آپ اسے نیچے کرنے کی جتنی بھی کوشش کریں مگر کھڑکی کا کچھ حصہ ضرور اوپر موجود ہوگا۔

ائیر سرکولیشن بٹن کیا کرتا ہے؟

جیسا نام سے ظاہر ہے، یہ بٹن ہوا کی گردش میں مدد فراہم کرتا ہے۔

درحقیقت یہ بٹن باہری ہوا کی بجائے گاڑی کے اندر کی ہوا کو دوبارہ گردش میں لاکر قابل استعمال بناتا ہے۔

یہ اس وقت بہت زیادہ کارآمد ثابت ہوتا ہے جب آپ اے سی کو چلاتے ہیں۔

ائیر سرکولیشن فیچر کے استعمال سے ائیرکنڈیشننگ سسٹم کے لیے مسلسل باہر کی گرم ہوا کو ٹھنڈا کرکے اندر پھیلانے کے مقابلے میں پہلے سے ٹھنڈی ہوا کو گاڑی میں گردش دینا زیادہ آسان ہو جاتا ہے۔

گاڑیوں میں موجود اس کھڑکی کا مقصد کیا ہوتا ہے؟

یہ بہت اہم فیچر ہے حالانکہ بظاہر اس کا کوئی فائدہ نظر نہیں آتا کیونکہ یہ کھڑکی اپنی جگہ فکس ہوتی ہے جسے ہلانا ممکن نہیں ہوتا۔

اس سے نہ صرف گاڑی کو جلد ٹھنڈا کرنے میں مدد ملتی ہے بلکہ اے سی کم توانائی خرچ کرتا ہے یا یوں کہہ لیں کہ کم پیٹرول خرچ کرتا ہے۔

اکثر درجہ حرارت کے ساتھ ساتھ باہری ہوا میں آلودگی، دھویں یا پولن کے ذرات موجود ہوتے ہیں یا کسی بدبو دار مقام سے گزرنے پر وہ بو اے سی کے ذریعے گاڑی میں پھیل سکتی ہے، مگر ائیر سرکولیشن بٹن ان مسائل سے تحفظ فراہم کرتا ہے۔

آسان الفاظ میں یہ بٹن آپ کی گاڑی کو ٹھنڈا رکھنے، اسے صاف رکھنے اور ایندھن بچانے میں مدد فراہم کرتا ہے۔

ماہرین کے مطابق اس بٹن کا استعمال زیادہ دورانیے کے لیے نہیں کرنا چاہیے یا اگر گاڑی میں ہیٹر استعمال کر رہے ہیں تو بھی اس کے استعمال سے گریز کرنا چاہیے۔