Election 2024 Election 2024

’وسیم اکرم کی سوئنگ سے سب ڈر جاتے تھے‘، سنجے دت بھی سابق کپتان کے دیوانے

دبئی میں ایک تقریب کے دوران گفتگو کرتے ہوئے سنجے دت نے وسیم اکرم کی تعریف کی/ فائل فوٹو
دبئی میں ایک تقریب کے دوران گفتگو کرتے ہوئے سنجے دت نے وسیم اکرم کی تعریف کی/ فائل فوٹو

بالی وڈ اداکار سنجے دت بھی سابق پاکستانی کپتان وسیم اکرم کے فین نکلے۔

سابق کپتان وسیم اکرم کرکٹ کی دنیا میں سوئنگ کے سلطان کے نام سے جانے جاتے ہیں جن کے نہ صرف کرکٹرز بلکہ دیگر شعبوں سے تعلق رکھنے والے بھی دیوانے ہیں۔

بالی وڈ میں منا بھائی کے نام سے مشہور سنجے دت بھی لیجنڈ کرکٹر کے دیوانے نکلے۔

دبئی میں ایک تقریب کے دوران گفتگو کرتے ہوئے سنجے دت نے وسیم اکرم کی تعریف کرتے ہوئے کہاکہ ’ میں وسیم اکرم کے ساتھ یہاں بلائے جانے کو اپنے لیے ایک اعزاز سمجھتاہوں وہ میرے بھائی ہیں جنہیں میں کئی سال سے جانتا ہوں ‘۔

انہوں نے کہا کہ میں نے اپنی زندگی میں جو عظیم کرکٹرز دیکھے، وسیم اکرم  ان میں سے ایک ہیں، وسیم اکرم کی ریورس سوئنگ ’ اوہ مائی گاڈ ‘ سب ڈر جاتے تھے یار‘۔

واضح رہے کہ وسیم اکرم ایک روزہ کرکٹ میں 500 سے زیادہ وکٹیں لینے والے پہلے پاکستانی اور دوسرے انٹرنیشنل بولر ہیں جنہوں نے 356 ایک روزہ میچز میں 502 وکٹیں حاصل کیں۔

وسیم اکرم نے نومبر 1984 سے جون 2003 تک اپنے 19 سالہ کیرئیر میں 104 ٹیسٹ، 356 ون ڈے اور 5 ٹی ٹوئنٹی میچز میں قومی ٹیم کی نمائندگی کی۔

1992 میں پاکستان کو ورلڈ کپ جتوانے میں وسیم اکرم نے اہم کردار ادا کیا اور انگلینڈ کے خلاف فائنل میں مین آف دی میچ قرار پائے۔

مزید خبریں :