اٹلی: نمائش میں موجود سونے کے بنے لاکھوں ڈالر کے فن پارے چوری

اٹلی میں جاری ایک نمائش سے 13 لاکھ ڈالر مالیت کے سونے کے بنے قیمتی فن پارے چوری ہوگئے۔

غیر ملکی میڈیا کے مطابق ’لائیک اے وارم، فلوئنگ گولڈ‘ نامی نمائش کا آغاز دسمبر کے اواخر میں ہوا تھا اور اسے جمعے کے روز اختتام پذیر ہونا تھا تاہم بدھ کی رات نمائش میں موجود سونے سے بنے ہوئے 49 فن پارے چوری ہوگئے۔

نمائش کے منتظمین کے مطابق بعد ازاں چوری شدہ فن پاروں میں سے ایک مجسمہ نمائش کے احاطے سے برآمد ہوگیا تاہم دیگر 48 فن پاروں کا اب تک کچھ پتا نہیں چلا۔

غیر ملکی خبر رساں ادارے کے مطابق منتظمین کا کہنا تھا کہ ان کے حفاظتی انتظامات اور الارم اعلیٰ ترین معیار کے ہیں جس سے یہ اشارہ ملتا ہے کہ اس واردات میں ماہر ترین چوروں کا گروہ ملوث ہے۔

منتظمین نے بتایا کہ چوری کی اس واردات کی تحقیقات جاری ہیں۔

جرمنی کے عجائب گھر سے 2 کھرب روپے کے نوادرات چوری کرنے والے ملزمان گرفتار

چوری کی گئی نوادرات میں 16 ویں صدی کی ہیروں جڑی تلوار اور ہیرے جڑے دیگر شاہی زیورات بھی شامل تھے۔

برطانیہ کا دہائیوں قبل لوٹےگئے نوادرات بطور قرضہ گھانا کو واپس کرنے کا اعلان

برٹش میوزیم اور وکٹوریا اینڈ البرٹ میوزیم کی جانب سے 32 طلائی نوادرات گھانا کو قرض کے طور پر لوٹانے کے معاہدے پر دستخط کیے گئے۔