01 فروری ، 2013 
بھارت کو پاکستان سے پولیو وائرس کی منتقلی کا خدشہ
01 فروری ، 2013
دہلی…بھارت نے پاکستان سے پولیو وائرس کی منتقلی کا خدشہ ظاہر کیا ہے۔ دہلی کے وزیر صحت نے پاکستا ن سے بسوں اور ٹرین کے ذریعے بھارت آنے والے پاکستانی بچوں کے لیے خصوصی پولیو ڈراپس کاوٴنٹرز بنانے کی ہدایت جاری کر دی ہے۔ نئی دہلی میں پاکستانی ہائی کمیشن نے پاکستان کے پولیو مانیٹرنگ سیل کو بھارتی تشویش سے آگاہ کرتے ہوئے مراسلہ بھیجا ہے جس میں وزیر صحت دہلی نے بھارتی ٹرانسپورٹ اور ریلویز کو ہدایت کی ہے کہ پاکستان سے آنے والے بچوں کو امرتسر اور نئی دہلی میں پولیو قطرے پلائے جائیں۔ انہوں نے اس خدشے کا اظہاربھی کیا کہ پاکستان سے بھارت آنے والے بچے، بھارتی بچوں میں پولیو وائرس منتقل کر سکتے ہیں۔ وزیر صحت دہلی ڈاکٹر اے کے والیا کے مطابق دہلی میں گزشتہ تین سال سے پولیو کا کوئی کیس سامنے نہیں آیااور اگر ایک بھی بچہ پولیو سے متاثر ہوا تو وہ دو سال پیچھے چلے جائیں گے۔ ذرائع کے مطابق ہوائی جہاز کے ذریعے بھارت آنے والے پاکستانی بچوں کو بھی پولیو ڈراپس پلانے پر غور جاری ہے۔
مزید خبریں :
بغیر ادویات کے جسم سے کولیسٹرول کو کیسے ختم کیا جائے؟
14 مئی ، 2025
جوان افراد میں امراض قلب کی شرح بڑھنے کی اہم وجہ دریافت
11 مئی ، 2025
ہر رات کتنے گھنٹے کی نیند بہترین ہے؟
09 مئی ، 2025
جنک فوڈ کو زیادہ کھانے کا ایک اور بڑا نقصان دریافت
08 مئی ، 2025
جسم سے کیلوریز کو کم کرنے کے آسان طریقے کیا ہیں؟
08 مئی ، 2025
