خیبر: پولیس نے خفیہ اطلاع پر کارروائی کرکے اربوں روپے کی منشیات پکڑ لی

خیبر میں پولیس نے منشیات کے خلاف کارروائی کرتے ہوئے مشکوک ٹرک کے خفیہ خانوں سے اربوں روپے کی منشیات برآمد کرلی۔

ضلع خیبر کے ڈی پی او سلیم عباس کلاچی کے مطابق خیبر کے علاقے شاکس میں خفیہ اطلاع پر پولیس نے ناکہ بندی کی اور مشکوک ٹرک کے خفیہ خانوں سے 67 کلوگرام ہیروئن برآمد ہوئی۔

پولیس کا کہنا ہےکہ منشیات کو کوئٹہ سے خیبر منتقل کیا جارہا تھا جب کہ کارروائی کے نتیجے میں3 ملزمان کو گرفتار کرکے انہیں  تفتیش کے لیے تھانہ جمرود منتقل کردیا گیا ہے۔ 

ڈی پی او کے مطابق پکڑی گئی منشیات کی عالمی مارکیٹ میں قیمت تقریباً 3 ارب 61 کروڑ روپے ہے۔