حنا خان نےکیمو تھراپی کے بعد اپنی تصاویر شیئر کردیں

کینسر کے موذی مرض سے لڑتی بھارت کی معروف اداکارہ حنا خان نے کیموتھراپی کے بعد اپنی نئی تصاویر سوشل میڈیا پر شیئر کردیں۔

حنا خان کی جانب سے اپنے انسٹاگرام اکاؤنٹ پر  مختلف تصاویر پوسٹ کی ہیں جن میں ان کے جسم پر کیموتھراپی کے نشان واضح طور پر دیکھے جاسکتے ہیں۔

بھارتی ڈرامہ سیریل’ یہ رشتہ کیا کہلاتا ہے‘ سے مقبولیت پانے والی اداکارہ نے پوسٹ میں لکھا کہ'اس تصویر میں آپ کیا دیکھتے ہیں؟ میرے جسم پر موجود نشان یا میری آنکھوں میں امید؟۔ یہ نشان میرے ہیں اور میں انہیں محبت کے ساتھ قبول کرتی ہوں کیونکہ یہ میری ترقی کے پہلے نشان ہیں جو میرے لیے ضروری ہیں'۔

حنا خان نے مزید لکھا کہ ' میری آنکھوں میں امید میری روح کی عکاسی کر رہی ہے، میں اس سفر کے اختتام  پر روشنی دیکھ سکتی ہوں۔ میں اپنی اور  آپ کی صحت کے لیے دعاگو ہوں۔'

خیال رہے کہ گزشتہ دنوں  اداکارہ نے انکشاف کیا تھا کہ وہ  اسٹیج تھری کے کینسر میں مبتلا ہیں۔

حنا خان نے سوشل میڈیا پر پوسٹ شیئر کرتے ہوئے چھاتی کے کینسر میں مبتلا ہونے کی تصدیق کی تھی۔

حنا خان کی پوسٹ پر مداح ان کی ہمت کی داد دیتے ہوئے ان کی جلد صحت یابی کے لیے دعائیں کر رہے ہیں۔

ویڈیو: کینسر سے لڑتی بھارتی اداکارہ حنا خان نے اپنے بال جھڑنے سے قبل خود ہی کٹوا دیے، والدہ رو پڑیں

یہ صرف بال ہیں آپ روئیں نہیں، آپ نہیں کٹواتیں؟ آپ نے کئی مرتبہ چھوٹے بال کروائے ہیں، حنا کی والدہ سے گفتگو

مشہور بھارتی اداکارہ میں چھاتی کے سرطان کی تشخیص

اداکارہ حنا خان نے سوشل میڈیا پر پوسٹ شیئر کرتے ہوئے کینسر میں مبتلا ہونے کی تصدیق کی