10 جولائی ، 2024
معروف ہالی وڈ اداکار اور ڈیموکریٹس کے سرکردہ حمایتی جارج کلونی نے امریکی صدر بائیڈن سے صدارتی انتخابات کی دوڑ سے الگ ہونے کی استدعا کر دی۔
ڈیموکریٹک پارٹی کے فنڈ ز اکٹھا کرنے والے سرکردہ افراد میں سے ایک امریکی اداکار جارج کلونی بھی ان عوامی لوگوں کی فہرست میں شامل ہوگئے ہیں جو صدر بائیڈن سے صدارتی دوڑ سے نکلنےکا مطالبہ کر رہے ہیں۔
جارج کلونی کا کہنا ہےکہ میں جو بائیڈن کو دوست سمجھتا ہوں اور ان پر یقین رکھتا ہوں لیکن جو جنگ وہ نہیں جیت سکتے وہ وقت کے خلاف جنگ ہے۔
جارج کلونی نے ڈیموکریٹس کو بائیڈن کی جگہ کسی اور کو امیدوار نامزد کرنے کا مشورہ دے دیا۔
خیال رہے کہ81 سالہ صدر بائیڈن کی پچھلے ماہ سابق صدر ٹرمپ کے ساتھ صدارتی مباحثے میں خراب کارکردگی کے بعد بائیڈن سے یہ مطالبہ کیا جا رہا ہے کہ وہ صدارتی دوڑ سے باہر ہوجائیں۔