کالعدم ٹی ٹی پی کمانڈر نور ولی محسود کی کال کا فارنزک کرالیا گیا: ذرائع

پشاور: کالعدم ٹی ٹی پی کمانڈر خارجی نور ولی محسود اور احمد حسین عرف غٹ حاجی کی خفیہ کال پر قانونی کاروائی کا آغاز کردیا گیا۔

ذرائع کے مطابق قانون نافذ کرنے والے اداروں نے نور ولی محسود اور احمد حسین عرف غٹ حاجی کی خفیہ کال پرقانونی کارروائی کا آغاز کرتے ہوئے کال کا فارنزک ٹیسٹ کروالیا ہے۔

سکیورٹی ذرائع کا بتانا ہے کہ فارنزک کے مطابق فون کال میں آواز نور ولی محسود، احمد حسین عرف غٹ حاجی کی ہے، کال میں احمد حسین کو نور ولی محسود سرکاری املاک اور اسکولوں پر حملوں کا کہہ رہا تھا۔ 

سکیورٹی ذرائع کے مطابق نور ولی کی جانب سے میر علی شمالی وزیرستان میں گرلز اسکول کوآئی ای ڈی سے اڑایا گیا تھا جب کہ ٹانک سے تعلق رکھنے والے ٹیچرمیرا جان کی بھی ٹارگٹ کلنگ کی گئی تھی۔ 

سکیورٹی ذرائع کا کہنا ہے کہ دہشتگردی میں ملوث دہشتگردوں کو کسی صورت معاف نہیں کیا جائے گا۔ 

پاکستان کا کالعدم ٹی ٹی پی کے سرغنہ نور ولی محسود کیخلاف سخت قانونی چارہ جوئی کا فیصلہ

گزشتہ روز افغان میں روپوش ٹی ٹی پی کے سربراہ نور ولی محسود کی ایک آڈیو لیک سامنے آئی تھی جس میں وہ پاکستان میں دہشتگردی کی ہدایات دے رہا تھا

’سرکاری اسکول یا اسپتال کو دھماکے سے اڑایا جائے‘، کالعدم ٹی ٹی پی سربراہ کی خفیہ کال سامنے آگئی

پھر ایک دو اسکول یا اسپتالوں کو دھماکے سے اڑا دو لیکن ذمہ داری نہ قبول کی جائے، کال میں نور ولی محسود پاکستان میں دہشت گردانہ کارروائیوں کے لیے ہدایات دے رہا ہے