26 اگست ، 2024 
گوگل سے نکالا جانیوالا ایمازون کا ملازم جسکی سالانہ تنخواہ کروڑوں روپے لیکن کام کچھ نہیں
26 اگست ، 2024
آن لائن شاپنگ کمپنی ایمازون کے ایک ملازم نے اعتراف کیا ہے کہ وہ ایک سال سے زائد عرصے سے کوئی بھی اہم کام کیے بغیر کمپنی سے کروڑوں روپوں کی تنخواہ وصول کررہا ہے۔
غیر ملکی ویب سائٹ کے مطابق ایمازون کے سینئر ملازم نے ایک ایپ پر انکشاف کیا کہ وہ گوگل کی ملازمت سے فارغ کیے جانے کے بعد ای کامرس کمپنی ایمازون میں سینئر ٹیکنیکل پروگرام مینیجر کے عہدے پر فائز ہوا تھا جہاں وہ کوئی خاص کام نہیں کرتا ۔
ملازم کی پوسٹ کے مطابق ایمازون میں کوئی کام نہ کرنے پر انہیں 3 لاکھ 70 ہزار امریکی ڈالر (جو کہ 3 کروڑ 10 لاکھ بھارتی روپے) کی تنخواہ دی گئی۔
ملازم کی پوسٹ کے مطابق 'میں ایمازون میں مفت تنخواہ حاصل کرنے کیلئے پرفارمنس امپروومنٹ پلان (PIP) میں شامل ہوا تھا ، اس دور ان میں نے صرف 7 مسائل حل کیے اور ایک خودکار ڈیش بورڈ تیار کیا، جسے بنانے میں تین ماہ لگے'۔
تاہم میڈیا رپورٹس میں دعویٰ کیا گیا ہے کہ درحقیقت یہ چیٹ بوٹ مصنوعی ذہانت (AI) استعمال کرتے ہوئے صرف تین دن میں بنایا گیا۔
ملازم نے مزید لکھا کہ 'میری ملازمت کے 8 گھنٹے کا وقت زیادہ تر میٹنگز میں صرف ہوتا ہے'۔
ملازم کی پوسٹ نے انٹرنیٹ پر ایک نئی بحث شروع کردی ہے ، جس کے تحت سوشل میڈیا صارفین اس پوسٹ کو کارپوریٹ سیکٹر کے ایک اہم مسئلے کی عکاسی تصور کررہے ہیں۔
مزید خبریں :
برطانیہ میں ایک صدی بعد نایاب جنگلی آرکڈ دیکھا گیا
14 جون ، 2025
