30 ستمبر ، 2024 
چیٹ جی پی ٹی تیار کرنے والی کمپنی کے چیف ایگزیکٹو کی حیران کن پیشگوئی
30 ستمبر ، 2024
انسانوں سے بھی زیادہ ذہانت رکھنے والی آرٹی فیشل انٹیلی جنس (اے آئی) ٹیکنالوجی بہت جلد ہماری زندگی گزارنے کے انداز کو بدل کر رکھ دے گی۔
یہ پیشگوئی چیٹ جی پی ٹی جیسے معروف اے آئی چیٹ بوٹ تیار کرنے والی کمپنی اوپن اے آئی کے چیف ایگزیکٹو سام آلٹمین نے کی۔
ایک بلاگ پوسٹ میں انہوں نے کہا کہ بہت زیادہ ذہانت کی حامل اے آئی ٹیکنالوجی چند ہزار دنوں کی دوری پر ہے۔
انہوں نے کہا کہ بہت زیادہ ذہین اے آئی ٹیکنالوجی انسانوں کو بھی پیچھے چھوڑ کر سنگین مسائل کو حل کرے گی اور انسانی ترقی کو تاریخ کی نئی سطح پر پہنچا دے گی۔
سام آلٹمین کا کہنا تھا کہ اے آئی سے سب کچھ اچانک تبدیل نہیں ہوگا مگر اس سے ہم ایسا بہت کچھ کر سکیں گے جو اے آئی کے بغیر ممکن نہیں ہوتا۔
انہوں نے بتایا کہ بچوں کے اپنے ورچوئل استاد ہوں گے جو انہیں مختلف موضوعات کے بارے میں مختلف زبانوں میں بتائیں گے۔
اسی طرح ڈیجیٹل اسسٹنٹس ہماری صحت کا خیال بھی رکھیں گے۔
انہوں نے مزید بتایا کہ 'ایسا بتدریج ہوگا اور ہم کافی کچھ حیران کن کام کرسکیں گے جیسے موسمیاتی تبدیلیوں کا مسئلہ حل کر سکیں گے، خلا میں ایک کالونی کا قیام ممکن ہوگا اور باقی سب کچھ بھی عام ہو جائے گا، بہت زیادہ ذہانت اور لامحدود توانائی سے لیس اے آئی ٹیکنالوجی کی تیاری سے ہم بہت کچھ کرسکیں گے'۔
سام آلٹمین نے کہا کہ اے آئی عہد کو یقینی بنانے کے لیے ضروری ہے کہ کمپیوٹنگ کی لاگت میں کمی لائی جائے اور انفرا اسٹرکچر کو درکار توانائی اور چپس فراہم کی جائیں۔
ان کا کہنا تھا کہ ہمیں اے آئی سے زیادہ سے زائد فوائد حاصل کرنے کے ساتھ ساتھ اس سے لاحق خطرات کو کم از کم کرنے کی ضرورت ہے۔
مزید خبریں :
ٹک ٹاک سے کمانے کیلئے کتنے فالوورز ضروری ہیں؟
20 دسمبر ، 2024
ایپل کا سب سے پتلا آئی فون دیکھنے میں کیسا ہوگا؟
20 دسمبر ، 2024
کیا آپ کو معلوم ہے کہ لیزر کن الفاظ کا مخفف ہے؟
18 دسمبر ، 2024
گوگل سرچ میں ایک کارآمد فیچر متعارف کرائے جانے کا امکان
18 دسمبر ، 2024
